Popular Bible Verses from Matyu 19

Share

Tama Jisasgo augwali dolo mu ponama tonalu, tama te po augwalibolo wali, “Te e tǫde bidi dabe augwaligo te sę ebo te usu me egobeo. Tiali goli God da, te tigidali sę ebo usu yaibao,” wali.

Tama tibaso, augwa si hasia tedali tedali bidali tiwai egobeo. Menio. Augwa si te dedeli tigi tiwai mu yaibao. Tama Godigo te dąų olama kęnani nai te bidigo me togolamuo,” Jisasgo te po wai.

Jisasgo po wei ponoyu, te po wai, “Te dagego polobadu te asęani po me nedai meniwe? Agai te po wai dao, ‘Polobadu mu Godigo tigidali nai nigali sogo agai te bidi me we augwali nigilama pedelai dao.’ Tama agai te po me wai, ‘Tama tiyu, bidigo aga aya ida tagalama, tama aga we dali mu kęą pelama, tama augwa si te deli tigi tiwai mu pedeliyu bidaibao,’ te po wai.

Tiali goli Jisasgo te po wai, “Dagego te wai puluba augwali ena pageba asomainao,” po wali. “Dagego augwali dąų me wagimio. Menio. Te e wai pulubago ebo homu kolesaga tiwai ebo we bidi te augwali Godigo we bidi tonalubo madigi tomoba asagameo,” wali.

Tiali goli, te megi polasa pali bidi dabe hauwa augwali nosali badu ma igisulama, te nosali badu asali we bidi dabe hauwa te pologi soaibao,” Jisasgo te po wai.

Tama tigidali we bidigo eno nogiba homu tia sagaselama, tama augwaligo augwa be dabe me, augwa ama dede me, abe dede me, te augwa ida aya me, augwa wai puluba me, gi dabe me tagalama, tama ena wali asali we bidi da, te augwaligo te tagalali nai wei genuai mu ma saibao. Augwaligo nosali sabo naigo te polobadu tagalali nai edelaibao. Tama te sesemane sogo bugagia bidada pabo wiegi yai ula me saibao.

Tama Jisasgo agabolo te po wali, “Te nage doloba pai mu pedalabo homu ebaso da, teda nage pelama, nago doado bage tigidali te bidi dabego abelemainogo munama, tama nago te sali mone te magi nai meni yai we bidi augwalibolo te mone mao. Teda nago nosali sabo wiegi yai nai hauwa mu te Godigo bidibo madide sisi ilai elaluaibao. Tama tilama, nage ena wali asao,” Jisasgo te po wai.

Tama Jisasgo agabolo te po wai, “Te enabolo magi baso nago te wiegi yai sęde hanalu obawe? Te me deli digi naga te aga wiegi yai dao, te God dao. Tama nage te wiegi yai bidabo ula sabo homu ebo wida, teda nago te Godigo bomo yai po wali pao.”

Eno dagebolo te po ma obe dao, te moni kibu kamel te ugwa hobolo medabu dedage tomoba painogo te sinabo sę yaibawe? Awe, tiali goli te mone hauwa elalubo bidi te Godigo we bidi tonalubo kolesaga tomoba painogo sinabo sę genuai mu yaibao,” te po wai.

Eno, eno e tiwai po dagebolo obao, te bidi mego wego te dwai penani sę me isąbadi, tama bidigo te we aga sela sąnama gasa we sobaso da, teda te bidi aga digi te dwai penani sę ebo kolesagaba kekebo sę tiwai ebo dao,” Jisasgo te po wai.

Tama Jisasgo aga wali pabo bidi dabebolo te po wai, “Eno mu po dagebolo obe dao, te mone hauwa munalubo bidi aga te Godigo we bidi tonalubo kolesaga te tomoba painogo te sinabo sę mu yaibao.