Popular Bible Verses from Matyu 11

Share

“Dage we bidi dabe sę dene genuai eyu sęgę yai nai tolobo tiwai we bidi dabe, dage tigidali enaba asao, te eno dage tau siyu, tama dagego toma tueibao.

Dage ena dali hodobo wali asiąo. Tama dage ena dali bididubadi eno dagebolo po ola mawaibao. Tama dagego kolesaga enade sao. Magi basowe, eno nagamea pai kolesaga te bidi dabe augwali dali eyu, tama ena digi ena aiyaba elalubo dao. Tama dage enaba asobaso da, teda dagego homude te toma tuagameo.

Dage ena wali asiyu, tama eno dagebolo dene magobeo, te sęgę yai nai me eno dagebolo magobeo,” Jisasgo augwalibolo te po wai.

Te we bidibolo Jisasgo te po wai, “Eno Aya agai tigidali nai eno nogoba muai dao. Tama niwai bidi me deli agai te Ogwa mu konea silai menio. Aya agaduba deligo naga te Ogwa konea silai dao. Tama niwai bidi me deligo agai te Aya me konea silai menio. Ogwago naga konea silai dao, tama te we bidi dabebolo te Ogwa aga digi te Aya augwalibolo ola mobaso da, te augwaligo me te Aya konea silaibao,” wali.

Te po obaso, Jisasgo augwalibolo te wei ponoyu, te po wai, “Dage pelama, Jonbolo te tigidali sę dagego odali po me, te suali sę me, te po tigidali agabolo wagi pao. Dagego e subao, te gedu widai bidi dabe augwali gedu usu ma iliyu, te sągą dwai bidi dabe augwali bugagia ma bilibo dao. Te oiyabe yai bidi dabe augwali tigi wiegi yai pedaliyu, tama olo degai bidigo po ma odobo dao. Te isai bidi dabe augwali ma hodoliyu, tama te magi nai meni yai bidi dabe augwaligo te Godigo wiegi yai gesi po odobo dao.

Tama te olo elalubo bidigo agai te po odao,” wali.