Popular Bible Verses from Tigidali Nai Gagalama Nigali Side 41

Share

Tiali goli, Josepgo te po wai, “Ena digi eno usugobe, tiali goli Godigo da nage dali dwagi yai sę eyu, agai nagebolo te na yali po page ola mabo usu yaibao,” wai.

Tama tibaso, agai te po augwalibolo wai, “Te e bidide te Godigo Mobo Bidi elalubao. Dago te tobage bidi tiwai te menade suai dawe?”

Tialima, Ferogo te po Josepbolo wali, “Godigo digi nagebolo te sę dabe ola manio. Tama tibaso, mena bidi me deligo te nago te homu kolesaga dagalabo kolesaga tiwai me elalugobeo, te nago koneani homu kolesaga tiwai me elalubeo. Te tama tialima, eno nage te eno hanu tǫde te polalubo gavman bidi nigilama, tama eno hani we bidi Isip dabe tigidali augwaligo nago po wali pomainu yaibao. Ena te gavman tuni bidi te eno nogi deli naga te nago nogi aiyaba elaluaibao,” wali.

Agai te tiwai po me wali, “Godigo te ena e sęgę sali bulude tau siyu, tama te agai enabolo te gasa wai me mani.” Tama tibaso, agai te aga tomo ogwa nogi te Efraim poali.

Tialima, Josepgo te po wai, “Godigo ena tau selama, tama te eno sali sęgę, me te eno aya ida, ama dede, augwalide homu dene ebo, te eno homugo gegeda palai.” Tama tibaso, agai te aga gomunai ogwa nogi te Manase nogi poai.