Popular Bible Verses from Tigidali Nai Gagalama Nigali Side 32

Share

Tialima, te bidigo te po wai, “Megi da, nago nogi te Jekop ma wagobeo. Nago te God dali hwįani, tama bidi dali me hwįai, tama nago nogi ugwaba sali. Tialima, nago gesi nogi te Israel dao.”

tama te bidigo Jekopbolo te po wai, “Nago ena tagala palama, ena paio,” wai. “Te pąde be posainogo ebao,” wali. Tiali goli, Jekopgo agabolo te po wai, “Eno nage me tagala palogobeo. Nago te dwagi yai tau sabo po enabolo mayu bolo yao.”

Tama agaduba deli naga bididuai. Tialima, hulide bidi me deli pedelama, tama aga dali nogogo pelegebo hwįdubadi, be posobo siba usu nani.

Tama nosali aga noma sobaso, Jekopgo te po wai, “Eno God sualio, tiali goli ena me isibeo.” Tama tibaso, agai te bulu nogi Peniel poai.

Augwali si tama tiwai hwįdubadi, tama te bidigo koneani, agai aga aiyaba elalugobeo, te homu yai. Tama agai Jekop te sili dili dali, te tudi dili dali si ununani si tede elali. Tama te sili dili ununani te guda pali. Te augwali si usu siyu hwįdubadi

Tama te bidigo Jekopbolo hanalu wali, “Nago nogi de dawe?” Tama Jekop po wei ponani, “Ena nogi te Jekop dao.”

Tama Jekopgo te po wai, “Ae, nago nogi po enabolo wao,” te po wai. Tiali goli, agai te po wei ponani, “Magi baso nago enabolo eno nogi po hanalubawe?” Tama agai Jekopbolo te aga dali dwagi yai sę pedelabo po mawai.

Ena nago sę bidi da. Ena wiegi yai bidi meni goli, tiali goli nago wiegi yai kolesagago ena olo tau sali, tama nago ena dali homugo kęą pai kolesaga eyu, tama enade wiegi yai sę mu yai. Te polobadu ena te wę Jordan nogeali sogo, te eno nogode magi nai me elalubeo. Eno peyu tolasa pabo dono naga elaluali. Tiali goli, megi ena te e hani si dali ma asobao.

Tama te sogo dąį elama, megi tama bidada asobo sogo, te Israel dabe augwaligo te kibu sipsip, meme, bulmakau, te bage sili dilide daganalubo mi te me tubeo, magi baso meni, polobadu te bidigo Jekop te sili dilide elali dąį elama, tama tiai dao.

Tama Jekopgo gedu haluasa po wali, “Te eno wąį Abrahamgo God, te nage eno aya Aisakgo God, nago eno po odao! O Yawe, nago enabolo te tiwai po wai, ‘Nage te naga tǫba ma peyu, tama naga deli kaneme bidibo digi pao,’ wali, ‘tama eno nage bugagia tonaluaibao, wai dao.

Eno nageba gedu haluasa po obao, nago ena tau selama, te eno ama Isogo bomo aiyaba tamunao. Magi baso meni, ena wi ebo, tiyu agai da dali wąbi hwįagasiyu, tama da tigidali silama, te we wai dabe dali silaibao.