Popular Bible Verses from Sab 8

Share

Baɗu tsaya ná, dzaʼa kuraghu kura yu ta haɗika Guseŋ vli ya ta nzaku mnduha ɗa, ŋa kwala zuɗiha tuvulvulvul lagha da hada, kada snaŋta ka kazlay iʼi Yawe ná, ma tsa haɗik ya yu kəʼa. Dzaʼa huzlinis huzla yu ta mnduha ɗa ta tsa zləmnda dzaʼa slaghaghata ya. Mahtsim dzaʼa magakwa tsa ŋizla ya,” » kaʼa.

Ka Yawe nda Musa mantsa: « Mnana mna ta Haruna, ka tɗapta tsi ta dzvu ka fadaptá dafa ni ta ghəŋa zalaha, nda ghwaha, nda drəfha, ŋa sliʼaganapta kləŋha təɓsaʼ ta haɗika Masar, » kaʼa.

Ka həŋ nda Firʼawna mantsa: « Mbrakwa Lazglafta na skwi na! » ka həŋ. Ama ka təŋanaftá Firʼawna ta ghəŋ, ka kwalaghuta snatá ŋa i Musa nda Haruna, manda ya si mna Yawe.

Ka tɗadaptá Haruna ta dzva ni ta ghəŋa imiha Masar, ka sliʼagapta kləŋha təɓsaʼ ndəghanaftá ta haɗika Masar.

Ka Yawe nda Musa mantsa: « Ka tsavafta ka wrək sərɗək mahtsim, ka lagha slanaghata Firʼawna ta fitika saba ni ŋa dzaʼa ta wa ghwa ya. Ka ka dazlay nda tsi: “Ka Yawe na: Zliŋ zla ta mnduha ɗa ka dzaʼa həŋ da tsəlɓu ŋa ɗa.

Ka Firʼawna mantsa: « Dzaʼa zlighunis zla yu ŋa dzaʼa ghuni da planatá ghəŋ ta Yawe, Lazglafta ghuni ma mtak. Ama yaha kuni da zaghuta diʼiŋ! Ka maga kuni ta duʼa ta ghəŋa ɗa guli, » kaʼa.