Popular Bible Verses from Sab 10

Share

Ka Yawe nda Musa mantsa: « La slanaghata Firʼawna, kabga təŋanaf təŋa yu ta ghəŋa ni nda ŋa kwalvaha ni tani, ŋa magata ɗa ta ŋizlaha ɗa mataba taŋ. Mantsa ya tama, ŋa rusay gha ŋa zwana gha nda ya ŋa zighiha gha ya ka yu sunustá ima zgi ta la Masar, nda ya ka yu magatá ŋizlaha ɗa mataba taŋ. Tsaya dzaʼa kəl kuni ka snaŋta kazlay na iʼi Yawe kəʼa, » kaʼa.

Ka Yawe nda Musa mantsa: « Kapadaf dzva gha nda ta luwa. Dzaʼa sasa gurusl ta haɗik Masar, dzaʼa tɗiku tɗika ŋa nzakwa ni manda skwi dzaʼa laviŋta lu ta ksaŋta, » kaʼa. Ka kapadaftá Musa ta dzva ni nda ta luwa, ka saha grusl tɗik katakata ta inda haɗika Masar ka fitik hkən. Ma tsa fitik hkən ya, ngha a la Masar ta mndu sani nda sani wa. Haɗ mndu ta laviŋta sliʼafta ma vli nza tsi wa. Ama inda la Israʼila ya ná, mamu tsuwaɗak ma inda vli nza nza həŋ.

Ka fadaptá Musa ta dafa ni ta ghəŋa haɗika Masar. Ka vyagaftá Yawe ta falaka silwa ta tsa haɗik ya ta tsa vaghu ya nda rviɗika ni tani. Tsaɗakwa vli, ka hlagaftá tsa falak ya ta hiʼa maya. Ka sliʼagaghatá hiʼa maya ta inda haɗika Masar, ka slata ma inda vli ta kwakwara Masar, furtu furta katakata. Ta sagha a mndərga tsaya wu, səglaghata a guli wa.