Popular Bible Verses from Pa'palakoanna Suho 2

Share

Natimba' Petrus naua: “Tihokongam asangkoa' gau'mu ammu behoia' kalemu ditedo' sola sanganna Yesus Kristus anna mala diampunniangkoa' dosamu anna la nabeengkoa' Penaba Maseho Puang Allataala.

Iya sangngim manontom muanda'i pepa'guhuanna suhona Puang Yesus, anna tontä liu umpasakalebu kalena. Anna si ma'mesa liu dio mesa ongeam umpiä'-piä' hoti naande pada-pada anna ma'sambajam.

Silele dipatamai Penaba Maseho nasuhum manähä asam umpake ma'hupa-hupa basa situhu' kada napalosaiam Penaba Maseho la napotula'.

Pissananna nahingngim moni susi uhhunna hibu' kasalle tuhum yabo mai langi' umponnoi indo banua naongei tadongkom ma'hempum. Iya naitaim titantam api susi lila tungga' uhhampoi indo tau illaam banua. Silele dipatamai Penaba Maseho nasuhum manähä asam umpake ma'hupa-hupa basa situhu' kada napalosaiam Penaba Maseho la napotula'.

Sola kamanontongam umpamesa penaba si ma'hempum allo-allo illaam Banua Debata anna umpasibala'-bala' banuanna naongei umpiä'-piä' hoti anna mangngande pada-pada sola katilallasam anna sakalebu penabanna, napasindum umpuji sanganna Puang Allataala. Napohäe asam tau anna allo-allo tuttuam buda aka nahängänni liu Puang Allataala bilanganna to la salama'.

‘La dadi illaam allo ma'katampasanna susim too kadanna Puang Allataala: La kutolloi Penaba Maseho ingganna hupatau, nasuhum pessubummua' la umpalombum kadangku. Susi duka' lako ingganna to mangnguhammua' la kulipi, anna mala naita indo kaha-kaha la kupaitai. Anna lako ingganna tomatua ulummua' la si kupalosai illaam tindo.

Anna ingganna indo to matappa' tontä liu ma'mesa anna ingganna aka-akanna naampuam pada-pada. Susi toi ke deenni to umbalu' aka-akanna nataba-taba indo allinna lako solana situhu' kapahalluanna si mesa-mesa.

Menna-menna mengkaala längäm Debata illaam wattu eta too, iam too to la untahima kasalamasam.’

La pi'de mata allo lambi' la malillim pättä anna bulam la malea susi haha anna mane lambi' allo kasuleanna Debata. Allo kasalle ia too la ponnom pole' kamatandeam.