Popular Bible Verses from Ziiŋi 27

Share

Na jya, Kile u nìɲyiŋi kamɛŋke kan ma á, u u ɲìŋke nàfuuŋi kan ma á mú, u u sùmaŋi ná ɛrɛzɛnŋi niɲyahawa kan ma á. Kile u ma yaha kìrigii ɲùŋɔ na, sùpyishi niɲyahawa s'a niŋkure sínni mu taan. Kile u ma yaha mà pyi ma sìɲɛɛbii saanwa, mu sìɲɛɛbii pi a niŋkure sínni mu taan. Shin maha shin u à mu cùmɔ lemɛ pi ke, Kile u urufoo láŋa. Shin maha shin sí u à mu cùmɔ lemɛ ɲwɔ ke, Kile u jwó le urufol'á.»

Ka Ezawu si jwo: «Ei! Mɛge k'à le u na Yakuba, kur'à u cû ke, lire kurugo u à mii nàɲwɔhɔrɔ tooyi shuunni kɛ? U à mii lyɛge tɔ̀ɔnŋi shwɔ a ta, numɛ maa núr'a mii jwóŋi nàŋkaaga mú.» Maa núr'a jwo tufooŋ'á: «Lire tèni i ke, mu ɲyɛ a sà a jwóŋi wà yaha mii á mà?»

Ka tufooŋi si jwo: «Mu sì ɲìŋke nàfuuŋi ta mɛ, mu taare sí n-pyi kamɛŋɛ baa. Mu kàshikwɔnŋwɔɔni li sí raa mu ɲwɔ caa. Mu sí n-pyi ma kàntugowuŋi biliwe, mu sí raa báare u á mu à jwo faapyinupee, ŋka canŋka, mu sí tire bilere zhwúŋi kebe n-láha ma yacige e si mpyi may'á.

Ka Ezawu si jwo: «Baba, lire tèni i ke, uru jwóŋi kanni u ɲyɛ mu á la? Jwóŋi wà le na á mú!» U à puru jwo ke, maa mɛɛ le na súu.