Popular Bible Verses from Mateo 4

Share

Nganang mekibat Jesus, Sasabian na ning Kasulatan, E mu bukud king tinape ya mabibie ing tau, nune king balang amanung manibatan king asbuk ning Dios.

Pekibat nang Jesus, Mabating ka, Satanas! Uling ing kasulatan sasabian na, Samban me ing Ginung kekang Dios at ya mung bukud ing kekang suyuan.

Nganang Jesus, Sasabian na naman ning Kasulatan, E me paniubukan ing Ginung kekang Dios.

Kanita dela ne ning Espiritu i Jesus king disyerto ba neng tuksuan ning diablo. Inyang i Jesus mekapag-ayunu neng apat apulung aldo at apat apulung bengi, tiblan ne ning danup.

Ngana karela, Tara, tuki kayu kanaku at gawan da kayung manasan tau. Kanita mu rin likuan da la ring karelang lambat at tinuki la kang Jesus.

Manibat na kanita megumpisa yang menaral i Jesus. Ngana: Sumisi kayu at painggulut karing kasalanan yu uling malapit ne ing Kayarian ning Banua!