Popular Bible Verses from Lucas 4

Share

Ing Espiritu ning Ginu atyu kanaku, uling pinili na ku ban ipanaral ke ing Mayap a Balita karing pakakalulu. Tinubud na ku ban ihayag ing kalayaan karing bihag, at ing pangabalik da panimanman ding bulag, at ing pangayatbus ding mayayalipit, at ipabalu ing banua ning pamagligtas ning Ginu king balen na.

Nganang mekibat Jesus, Ing Kasulatan sasabian na, Samban me ing Ginung kekang Dios at ya mung bukud mung suyuan.

Pekibat nang Jesus, Ing Kasulatan sasabian na, E mu bukud king tinape ya mabibie ing tau.

Meko ya i Jesus king Ilug ning Jordan; kitmuan ya king Banal a Espiritu at dela ne ning Espiritu king disyerto

Pekibat nang Jesus, Ing Kasulatan sasabian na, E me sukat paniubukan ing Ginung kekang Dios.

Inyang e ne atuksu ning diablo i Jesus karing miyayaliwang paralan, likuan ne king mapilan a panaun.

Kaybat na nita, inukiat ne ning diablo king matas a lugal at king metung a saglit pepakit na la kang Jesus ding sablang kayarian na ning yatu. Ngana ning diablo, Ibie ku keka ing sablang kayupayan at ing sablang pibandian na ning yatu uling iti ngan miyabie kanaku, inya aibie ku kenu mang buri kung ibie. Iti ngan maging keka nung siklaud ka king arapan ku. Nganang mekibat Jesus, Ing Kasulatan sasabian na, Samban me ing Ginung kekang Dios at ya mung bukud mung suyuan.

Kanita tiki ne ning diablo karin Jerusalem at dela ne king taluktuk na ning Templo at ngana, Nung ika ing Anak ning Dios, luksu kang ibat ken, uling ing Kasulatan sasabian na, Itubud na la ning Dios ding anghel na ba ra kang ingatan. Sasabian na naman, Sapnuan da ka karing karelang gamat ban e la manasakit ding bitis mu karing batu. Pekibat nang Jesus, Ing Kasulatan sasabian na, E me sukat paniubukan ing Ginung kekang Dios.