Popular Bible Verses from Lucas 14

Share

E ya malyaring maging alagad ku ing ninumang lalapit kanaku nung maygit neng kaluguran kesa kanaku i tata na at ima na, ing asawa na at ding anak na, ding kapatad nang lalaki at babai at pati na ing mismung sarili na.

E ya malyaring maging alagad ku ing ninumang e bisang mamusan king krus na at tuki kanaku.

Uling ing ninumang magmatas mibaba ya, at ing ninumang magpakumbaba mitas ya.

Makanyan munaman e ya malyaring maging alagad ku ing ninuman, nung e na lakuan ing sablang atyu keya.

Nung magplanu yang patalakad tore ing metung kekayu, e ya pa wari lukluk at balakan na ing gastusan na ban abalu na nung managyu la ding pera na ba yang mayari ing tore? Pota mitalakad la ding pundasyun oneng e na ne man apayari, kaylian dia ding sablang manakit. Sabian da, Pegumpisan neng telakad ning taung iti at e na ne man pala apayari!

Neng magtau ka, ding kumbiran mu ila ding pakakalulu, ding lumpu, ding pile, at ding bulag. Mibendisyunan ka uling ila e ra ka ayablasan. Ablasan na ka ning Dios keng subli lang mie ding banal.

Mayap ing asin; nung milako lasa ala nang paralan ban mibalik ing kalat na. Ala nang kasilbian iti para king gabun o para king pikukuanan pataba. Iyugse ra na mu. Inya makiramdam kayu nung atin kayung balugbug!