Popular Bible Verses from Juan 14

Share

Ing kapayapan lalakuan ku kekayu; ing kanakung kapayapan babie ku kekayu, ing kapayapan a e na kalupa ning babie ning yatu. E kayu sukat mababalisa o mitakutan man.

Pekibat nang Jesus, Aku ing dalan, ing katutuan, at ing bie. Alang malyaring miras king Ibpa nung e mu king kapamilatan ku.

Nganang sinabing Jesus karela, E kayu sukat mababalisa. Maniwala kayu king Dios at maniwala kayu naman kanaku.

Oneng ing Talasaup, ing Banal a Espiritu a itubud na ning Ibpa king lagyu ku, ya ing mituru kekayu king sablang bage. Paganaka na kekayu ing sablang sinabi ku kekayu.

Ing tatanggap karing utus ku at tutupad kareti ya ing malugud kanaku. At luguran neng Ibpa ku itang malugud kanaku. Luguran ke at ipakilala ku keya ing kanakung sarili.

Maniawad ku king Ibpa at dinan na kayung Talasaup a akayabe yu kapilan man. Ya ing Espiritu na ning katutuan a e na atanggap ning yatu uling e ne akakit at e ne balu. Oneng balu ye uling akayabe ye at manuknangan ya kekayu.

Ing nanumang aduan yu king lagyu ku daptan ku ban mipaligayan ya ing Ibpa king kapamilatan na ning Anak. Nung maniawad kayung nanuman king lagyu ku, daptan ku.

Nung kaluguran yu ku, pamintuan yu la ding utus ku.

Ating dakal a kuartu king bale nang Ibpa ku. Nung e mu makanyan e ku sabian iti kekayu. Mako ku ban magsadiang lugal para kekayu.

At nung miras na ku at mekapagsadiang lugal para kekayu, mibalik kung pasibayu keti at ituki da kayu ban nung nu ku karin, karin kayu naman.

Nganang Tomas, Ginu, e mi man balu nung nu ka munta, makananu mi yang balu ing dalan?