yaŋgut mânep piwan timti imbiŋaŋmak zenâmti keŋ kwep bemti mânewit butnaŋ enzilim pemti butnaŋ etaŋ apmaŋaŋ mti met ombemindendeŋaŋ ekŋenmagen beme Pitayaŋ mânep ke ekti zeye, “Ananias, geŋ kwilekiyet Sadaŋaŋ keŋdi myuŋgume mânep msadaŋgat tosaŋaŋ tinak ke butnaŋ buzak enzilimpemti butnaŋ etaŋ mti kot Emetak Teŋ tatetipenik? Geŋ msadi kegok nâmti belak pemane gitaŋgat zapat tadak. Ma an keyaŋ msadi kwitime mânepdi giti timti kwilekindi ŋen msât nâmti mbek piwan? Geŋ kwilekiyet mânep ekti keŋdi puŋpuŋ mme kegok mnak. Geŋ wa nin ku tetindenak; Kawawaŋ tetipenak nânik!” Zet kegok zeme Ananiasiyaŋ nâmti keyegak tokutumti gakime am notnaŋ tabien ekŋenaŋ ekti kiŋgabien.