Popular Bible Verses from VUN ŊGOLNA 3

Share

Hum u Yawe u huruŋ halaŋ. Col kay neeŋ taŋgara ɦawaɗi. Hu poy maŋga halaŋŋi humuŋ mba gaŋ kamu, nam hin takaŋ dlara aŋ laɗta halaŋ.

Ŋga taŋ ko aŋ sa ma wi dla naɗi. Li ni ndaa Yawe na ɗow, ɦal ŋgoroŋ maŋ dla cora.

Ŋga Yawe u tlesuu ka koŋŋa, u yam tlegeyeŋ suu ne ki fok jewna, vee maŋŋa hin oy ki u waleerena, sum veŋŋa hin oy ki hu vaaŋ ma em summa na kus.

Ɗegeera u gasira ka tuɗ ki egeŋ dayɗi, njunusi keleŋ na tok, ɓiirisi ni kay magaara huruŋ kurufura.

Goonna, noy haɗta vi Yawera kiɗi, huruŋ ɓeŋ kay gaɗta nam ka gaɗaŋgaɗi. Kay Yawe gaɗ ni sa ma nam minimma, ko ndal buna gaɗ gorom ma nam minim ɦayna na may.

Goonna, humuŋ maa ki kay haɗ mandaɗi, hin huruŋ saa kay gaɗ manda tew tew. Ndaɗ hin ɦuɗuŋ buuruŋ fok kay ndaŋgara, aŋ hin fi ni heɓpa ŋgolla.

Furira ka kay sa ma fi yal kina u sa ma di gasira tew tewna. Kay fira fi gursura ŋgolla u gi lorra ka ndak a li furi sana ko ndaɗta naɗi. Wira jivi su ɦeɗew mayra jivi ta suuna miniɗ ɦayra. Tlesuu jivi su suuna halasi ɦayna ma nja fun tam u wira kaɗi.

Lini tlena ka koŋu ni hin bay a li jivira maŋ suu va ka kosiɗinaɗi.

Yawe min ndaŋgara ni u yalna, nam vi huulona kolo eŋga ni u gasira may.