Popular Bible Verses from VUN ŊGOLNA 16

Share

Tin dlaaŋga aŋ min a laɗta halaŋ fok Yawe, ni dlaaŋ ndaɗta hin li kiyo.

Huu sana ka saa voɗta nam a tuɗ hura, may Yawe gol sem sana ma tuɗ huna ni namu.

Boy ma jivina ni ko mbul yumma na, nam fun sana jiviya, suɗ sana ki may.

Suuna saa dlara a laɗta. May sa ma li dla ndaɗta kina ni Yawe.

Sa ma hurum ka mbuɗ ya na zakgina ni jivi su sa ma saɓak cocona. Sa ma saɓak kay hurum doo tamma su bigawla ma ti yara ay tew tewna.

Sana a ɓalak kira va ma fok jewna ni ŋga tara. Jew sana a daɓ semba ni va ma kal ay ki funumma ni ɓii tara.

Dlara sana laɗta halaŋ gol irimmi jivi bel. Na may Yawe ni sa ma wi huuna ay kurufu dayna.

Sa ma saa ki coco tu saa, hin li dlara tuna fi jivira. Sa ma ɦal tam ko Yawena furira ka kamu.

Va ma aŋ fam koŋ ew u voɗom jivina, jivi su ma sana tok tlena ay u ɦarambana.

Aŋ saa ana voɗ maŋga ni ɗegee su? Kala ndaɗ li tuɗuŋŋi hu li ma maɗna kalage.

Sa ma ŋgeŋŋa ɦayna cukŋi dlara honira duk suuna. Sa ma yowmusna ɓorow duk sana u banamma kiyo.