Popular Bible Verses from VUN ŊGOLNA 13

Share

Sa ma poy ko tam u sa ma wi dlara hin mbuɗ sa ma wi dlara. Sa poy u sa ma laɓana hin kal hu cora.

Sa ma vi vunum jivina suɗ ni iiri mamba. Sa ma vunum ki ŋgooy na ɦoŋŋa ɓalakŋi tamu.

Sa ma ka min gorombina ka poŋombi. Sa ma min gooromma ni nam poŋomu.

Saara jok ha fokŋa ɗow ɗowra ɓalak huuna kiyo. Vok dlara ha tli fokoŋ dewra ni gu ma vi iirirana.

Ko ɗegeera ka njun kay sa ma ɗilina na ni, dla cora ka viɗ sa ma sulukŋa hurum hayna ki may.

Ҥizza sana faɗ kolo na pokolla, ka kak ta taɗi. Begera sana faɗ ha na nde ndera, ɦiz ndaɗta ka daɓbi.

Ŋga tara mba ay ni honira u ciwayra ɦawaa. Yalna kakŋi u suu hum u gaɗtana.

Sa ma ɗegeena hin joom ka maŋ gor ŋgologi mamsina. Begera vi suu dlasi cona ka tinira ni maŋ suu ɗegeena.

Goo ma yalna hum gaɗta vi bumba, may goo ma hurum ki sooy eŋ ndiŋ ndiŋŋa ka hum gaɗta vi saɗi.

Sa ma ka hum dlaŋ saɗina hin ndi ki hawra, suuna san um cocoo. Sa ma hum gaɗta suuna dambara ni sa ma suuna hin ŋgaam ɦayna.