Popular Bible Verses from VUN ŊGOLNA 11

Share

Sa ma oora wi hahaw suuna, tlena hin oy kommi oy na ɗow. Sa ma ɦal yona maŋ suunana, laa ka cambi may.

Sa ma daŋŋa ɦal tlena maŋ suuna cocoo. nam fi ay coco may, sa ma hiniŋŋa eŋ cocoo, ka bas vaam kiɗi, may nam ndi ki ni hawra na ɗow.

Ŋga tara mba wa ni, honira mba ni ndaɗ gaw may. May yalna wi yal dlara ka ni u suu hoŋ yasi kaŋgana.

Suu may suu sa ka fokosiɗina njay ki ni ɦawaa, suɗta ka ni kay zi ma suu di gaɗta ka hu bolow cocona.

Sa ma ɗegeena vuɗ mamba ni gu ma vi iirirana. Suu wi dlara hin vi suu daŋŋa.

Sa ma ŋgeŋŋa gi u dlara ga ŋgayra kiyo, may sa ma jivina baa boyna gaa.

Sa ma ɗegeena li jivira ni eg tliw tamba, sa ma ka hum vun saɗina li cora ni eg tliw tamba may.

Sa ma tin hurum kay bege mambana hin puk ki gaa, sa ma ɗegeena ni ko hum ŋgus ma ka ɗufna na.

Hu buu ma yara vi Lonara ni begera ka li vaɗi, may ɗegeera hin buɗ sana ki fun maɗna.

Gasira vi suu ɗegeena ka ɗegeresi hu voɗta. May mbeleŋ ma suu hurusi mbambana lamma ɓalakasi kiyo.

Cara jivi coco may dlaaɗta ka jiviɗira ni ko ndal walak lorra gaɗ ki kel kosoŋŋara ɦawa na.

Yawe ka min kelew ma ka tlam u voɗombina ɗi. Nek mayra tli jivi u voɗoɗta ni irim jivi ɦay.