Popular Bible Verses from Mateo 27

Share

Kag pagalas tris ang apon nagsinggit si Jesus ang mabaskug, makon na, “Eli, Eli, lema sabactani?” Anang gostong ambalun dato, “Dios ko, Dios ko, basi ginpabayanan mo ako?”

Kag sa oras ra nga dato, ang kortina sa sulud ang Timplo ang Jerusalem nagisak sa tunga, alin sa ibabaw paidalum. Ay naglinog kag ang mga pangpang nagkarabuka pati ang mga rulubungan nagkaraabrian. Doro nga mga tao nga nagtoo sa Dios nga patay run ang nagkarabanaw.

Kag nagsinggit tana ruman ang mabaskug kag nabogto anang ginawa.

Pagkakita ang kapitan kag anang mga soldado nga nagabantay kay Jesus ang paglinog kag sa mga nagkaratabo ginkulbaan sanda nga mayad. Makon nanda, “Matood ra gid nga anang Bata tana ang Dios!”

Pagabot ang ogtong adlaw nagdulum ang kalibotan sa sulud tatlo ka oras.

Makon ni Pilato, “Ta ano tana akun imoon kay Jesus nga ginatawag nga Cristo?” Nagsabat sanda tanan, “Ilansang sa kros!” Makon ni Pilato kananda, “Ay basi, ano nga sala anang naimo?” Kag nagbaskug pa gid andang pagsiringgit, makon, “Ilansang sa kros!”