Popular Bible Verses from Luka 12

Share

Ē nō reira, kia vai te'ate'amamao rāi kōtou, nō te mea, i te ora manakokore'ia e kōtou na e tae mai ei te Tamaiti a te Tangata.”

Inārā, e kimi kōtou i tōna bāsileia ē e 'ōronga katoa'ia mai aua mea ra ki a kōtou na.”

Kua karanga atura aia ki te au tangata, “E 'ākara meitaki ē e matakite i a kōtou i te morimori 'apinga. Kāre 'oki ē tei roto i te nui o tōna 'apinga tō tēta'i tangata ora.”

Nō te mea 'oki ē, ko te ngā'i i vai'o'ia ai tō kōtou na 'apinga nui, tei reira katoa ia tō kōtou ngākau.”

Ko 'ai 'oki i a kōtou na e apiapi nei, ka rauka i te 'akatere atu i tōna ora'anga e 'okota'i ake ora?

Kua karanga atura 'oki a Iēsū ki tāna au pipi, “Inā 'oki, tē 'akakite atu nei au ki a kōtou, auraka e apiapi i tō kōtou ora, tā kōtou e kai, ē tō kōtou kōpapa i te 'akakāka'u'anga.

Ē kua 'ope 'oki te rauru o tō kōtou ūpoko na i te tatau'ia. Auraka māri kōtou e mataku; 'e ma'ata atu tō kōtou meitaki i tō te au kōpekapeka 'e mānganui.”

“Auraka e mataku, e te 'ānana iti ē. 'E mea mareka'ia e tō kōtou Metua i te 'ōronga mai i te bāsileia nō kōtou.

E 'akama'ara i te au manu: kāre rātou e rūrū, ē kāre 'oki e kokoti; kāre 'ua ō rātou pi'a vairangā 'apinga, ē kāre 'oki 'e 'are vairangā kai. Tē 'āngai rāi te Atua i a rātou. Kāre āina ē, 'e meitaki ma'ata atu tō kōtou i tō te au manu o te reva ra?

“Auraka kōtou e kimi i tā kōtou ka kai, ē tā kōtou ka inu; auraka e apiapi.

Mei te mea ē, i pērā te Atua i te 'akamānea'anga i te rākau rikiriki o te koro, e vai nei i tēia rā, ē āpōpō e 'uri'ia ki roto i te umu, kāre āinei ma'ata atu tāna 'ākono'anga i a kōtou, e te aronga 'akarongo meangiti nei ē!

Kāre 'oki 'e mea tāpoki'ia e toe i te 'akakite'ia mai, mē kāre rā, i tāngaro'ia e toe i te kitea'ia mai.