Popular Bible Verses from Ioane 2

Share

Ko te 'akamata'anga tēia o te au 'akairo i rave'ia e Iēsū i Kana i Galilea ra. Kua 'akaāri mai te reira i tōna kakā, ē kua 'irinaki tāna au pipi i aia.

Kua karanga atura a Iēsū ki aia, “'E a'a rā te reira ki a tāua, e mā'ine? Kāre tōku tuātau i tae mai ake.”

Kua karanga atura a Iēsū ki a rātou, “Ka 'akakī ana i te au 'āriki ki te vai.” Kua 'akakī i'ora rātou i te reira e tae 'ua atura ki te ni'a. Ē kua karanga atura aia ki a rātou, “Ka kapu ana i tēianei, ka 'apai atu ei ki te 'aka'aere o te 'ōro'a nei.” Kua 'apai atura rātou.

Kua pa'u atura a Iēsū ki a rātou, “Ka vāvā'i ana i tēianei nao, i roto i ngā rā e toru ka tū 'aka'ou ia i āku.”

Kua 'anga i'ora aia i te taura rikiriki 'ei uēpu pāpā, ē kua tuaru atura i te kātoatoa rava ki va'o i te 'iero ra, ma te māmoe ē te puakatoro; ē kua ringiringi atura i te moni a te aronga 'oko'oko moni ra, ē kua tātaka'uri 'aere i tā rātou au kaingākai ra; ē kua nā kō atura ki te aronga e 'oko'oko ra i te kūkupa ra, “'Apaina kē'ia atu tēia au mea mei konei atu! 'Eia'a e 'akariro i te 'are o taku Metua ra 'ei 'are 'oko'oko'anga 'apinga ra.”