Popular Bible Verses from Cenisihs 45

Share

Keko tahsh noonkom i'i onci maanaapantisohkek, keko onci nishkenintisohkek o'omaa hsa inahke kaakii ishi ataawaakaashiyek; Kishemanitoo iitok kaakiih pi niikaaninisha'otc ci⁠pimaaci'imak pemaatisinitc.

Inashke tahsh kaawiin kiinawaa kaakiih piicinisha'oyek o'omaa, Kishemanitoo ohsha. Ninkii ishi'ik ohsha ci⁠aanihke okimaahkantawimak ini Peroon. Niin kaye ninkiih tipentamo'ik kahkina kekoon kaa⁠tipentank. Misiwe hsa ko Iicipahki nintipentaan.”

Kishemanitoo tahsh wiin ninkii niikaaninisha'ok cipwaa piishaayek o'omaa kiinawaa o'o nahke cishi kihci pimaaci'ikooyek, kehcinaac iko kaye kipiiwesiimiwaak ci⁠ani pimaatisiwaatc.

O'o tahsh okii'inaa' wiicihkiweya', “Taka pehsho naasihkawihshik.” Pehsho tahsh okiih pi naasihkaakoo'. Miitahsh kaa'inaatc, “Niin ohsha Coosap kiicihkiweyiwaa, Iicipahkiink inahke kaakii ishi ataawaakaahshiyekipan.

Inashke aasha niishopipoon kaawiin o'omaa ayaahsinoon miicim, keyaapi tahsh naanopipoon kaawiin ta⁠piikwahkamikipicikenaaniwansinoon, kaawiin ta⁠manishikehsiim.

Coosap itahsh okii'inaa' wiicihkiweya', “Niin ohsha Coosap! Keyaapi na pimaatisi nintete?” okii'inaa'. Wiicihkiweya' itahsh kaawiin okii nahkwehtaakohsii', aaniihsh kiih⁠sekisiwa' i'imaa kaa⁠ishi'ayaatc.