Popular Bible Verses from Cenisihs 41

Share

Coosap tahsh kii‑ishi nahkwehtam, “Kaawiin niin kekoon nintaayaahsiin nimpimaatisiwinink ke⁠onci wiintamawinaampaan. Kishemanitoo hsa mayaa kika wiintamaak eshihsininik kipawaacikan,” okii'inaan.

Kihciokimaa tahsh okii'inaa' otaanihkewikimaama', “Wiihkaa na kika mihkawaanaan inini o'o ci‑ishi'ayaatc, Kishemanitoon otahcaahkoni ke⁠ayaanitc opimaatisiwinink,” kii‑ihkito.

Kihciokimaa tahsh okii'inaan Coosapoon (Joseph) , “Kishemanitoo tahsh ekii waapanta'ihk o'o kahkina, kaawiin hsa kotak awiya ishi'ayaahsii ci⁠ayaankwaamisitc, kaawiin kaye awiya i'i ahpiihci kakiihtaawentansii. Kiin hsa kika okimaahkantaan nintahkiim. Kahkina tepenimakwaa pemaatisiwaatc kika na'ihtaakook aaniin ke⁠inaahkonikeyan. Niin tahsh ehta e⁠kihciokimaawiyaan kika niikaanishkawin.

Kotak ini okosihsan okii ishinihkaanaan Iihpariyam (Ephraim) . I'i tahsh kaakii onci ishinihkaanaatc, “Kishemanitoo nimiinik apinoonciisha' o'omaa kaa⁠ishi kakwaatakihtooyaan,” kii‑ihkito.

Coosap okii ishinihkaanaan nihtam kaakii nihtaawikinitc okosihsan Manaahsa (Manasseh) . I'i tahsh kaakii onci ishinihkaanaatc, “Kishemanitoo kii‑ishihcike ci⁠maamihkawihsiwaan kahkina kaakiih piishi maanshihseyaan, kaye nintete owaahkaa'ikanink kaa‑ayaanitc,” kii‑ihkito.