Popular Bible Verses from Cenisihs 24

Share

Miitahsh kaa⁠ishi anami'aatc, “Oo Tepencikeyan, weKishemanitoomihk nintookimaam Eparahaam, taka minohse'ishin noonkom kaa⁠kiishikahk, naakohtoon e⁠minotootawatc nintookimaam Eparahaam.

O'o hsa peshik ninka inaa, ‘Taka niihsinan kitahtoopan ci⁠minihkweyaan,’ Kiishpin itahsh ishitc, ‘Pisaan minihkwen, ninka mina'aak kaye kipihkwaawikane mihtatimoomak’, taka mii 'awe ke⁠aawitc kaa⁠onaapamimatc ci⁠wiiwitc kitanohkii'aakan Aaisik; miitahsh i'imaa ke⁠onci kihkentamaan e⁠naakohtaawatc e⁠minotootawatc nintookimaam,” kii‑ishi anami'aa.

Aaisik tahsh okiih piintikanaan Oripehkawan kaakii ishi opakwaanekamikonitc omaamaan Serawan, miihsh kaa⁠ishi wiiwitc. Ekii wiiwitc tahsh wiinke okiih saaki'aan; miitahsh imaa kaakii onci na'entank ekii wani'aatc omaamaan.

Miitahsh kaa⁠ishi shawenimaanitc Oripehkawan o'o ekii'inaanitc, “Taka kiin, nintawemaanaan, aahpici tani kihci paahtiinowak kipiiwesiimak. Miiwak itahsh ke⁠shaakoocihtoowaatc ootenawan eshitaanitc kaa⁠shiinkenimikowaatc,” okii'inaani.

Kinantawenimin ci⁠ahpimoyan kaaTipenciketc, Kishemanitoo tepentank kiishik, ahkiini kaye, ci⁠ontinimaahsiwatc ninkosihs ke⁠wiiwitc ihkwewan ci⁠onciinitc i'imaa eshi'ayaanitc Kenan kaa⁠onciinitc, oko mekweya'ii kaa⁠wiicitaamimak. Weti tahsh ishaan nintahkiimink, nintinawemaakanak kaa⁠ishi'ayaawaatc. Miitahsh weti ke⁠ontinimatc ke⁠wiiwitc Aaisik (Isaac) ninkosihs,” okii'inaan.