Popular Bible Verses from Yohana 15

Share

«Máára, mə́ kùmsə̀n badn téé nyìá, bít aí kɔ̀ íí badn téé nɛɛ̀n bərá. Màn aa kùmì máá rú, bít máá kɔ̀ mə́ kùmì oòrú rə, dá insɔ̀ɔ̀n ma'ǹ zùúm. Kàandə, íí bán in nə́ŋ̀má ma'ǹmbə̀ gá, dáà máá síngə́ roó.

Ìì kùm máá rú, kìínmbə̀ máá kɔ̀ mə́ kùm aí rú rə kíin. Téé nɛɛ̀n bán wàà lɛbm̀bə̀ oò nə́ŋ̀ní gá, dáà wál kə̀ badn téé nyìì síngə́ roó. Nɛɛ̀n aarə rú, íí bán in nə́ŋ̀má ma'ǹmbə̀ dá Vɛnɛ́b sɔ̀ɔ̀n gá, íí kùm máá rú síngə́ roó.

Dáà íí kùmì máá rú, bít nwɔŋ mə́ bəd kɔ̀ kùmì aí tɛ́mú gə́, ìì dɛ̀d in aa íí í' rə kúnú, íí dákíìn bɔbàá.

Sàà íí vúŋ máà sə̀n gá, zá máára sàà mə́ vú' iyà sə̀n kə̀ nɛ́d sáànmbə̀ mə́ bəd kíin. Bə́ŋyée gə́, mà' mə́ bí' iyì gbantumsə̀ mə́ bərá, ɛ̀m dá ìì mà' insɔ̀ɔ̀n aa yɛɛ̀l bə gá roó. Kə̀ aakíin də, Báá dá ii taà in aa íí dɛ̀d máá nə́gə́lə́ rə piinàá.

Í'sɛ̀l gbà'á aa nɛ́ŋə̀ dáá i'ǹ də, kùmsə̀n piìnmbə̀ gɔ̀ŋsə́ ɔ̀dzéd oò bəd bòórú.

Téé nɛɛ̀n aa lɛ̀b wàà síndə gə́ kóólé, dùb bə̀ dáù kíìn vəràá. Bít téé nɛɛ̀n aa lɛ̀b wàà rə, kpɛ́l bə̀ dáù kíìn kuràá, bɔ̀b oò lɛ̀b yɛb bəd ká' oò taà nɛɛ̀n dú sɔ̀ŋ.

Aa yée indaŋ̀mbə̀ mə́ra' ìì í' ɔ̀dnə́ŋ̀ bəd íí bòdba, kìínmbə̀ mə́ í' ii rə kíin.

Ìì mà' insɔ̀ɔ̀n zùúm, bít ìì ì' gə́, bənə́ nɛ́b sáànmbə̀ mə́ bərá. In aarə, pii Báá mə́ kaŋsɛ́l tə́ kúnú.

«Máára mə́ kùmsə̀n badn téé nyìì sɔ̀ɔ̀n vɛ́nà, bít Báá mə́ kɔ̀ kùmsə̀n nɛ́d téé bìá.

Màn aa kùm máá rú síndə, vú' làà bə̀ dáù lɛ́'ǹ gbaarú, kìínmbə̀ və̀rì lɛ́' téé nɛɛ̀n kíni, bít dákíìn waràá. Téé nɛɛ̀n wadké bəd gə́, bə̀ pú' kúnú, bít làà bə̀ lɛ́l bə̀ì laarú gə́, bə̀ duù kúnú.

«Mə́ bàà ii nwɔŋ aarə, bɔ̀b tɛ́m làmkè máá bə̀ oò kùm aí rú, bít aí kɔ̀ ìì nyìì kə̀ tɛ́m làmkèá.

Dáà íí kè' indaŋ̀mbə̀ mə́ bərì gə́, íí dá kuùm í'sɛ̀l mə́ rú, kìínmbə̀ máá kɔ̀ mə́ kè' Báá mə́ indaŋ̀mbə̀ bərá, bít mə́ kùm oò í'sɛ̀lú yée kíin.

In aa má ii baàn ìì màà rə gə́, í'ǹmbə̀ ɔ̀dnə́ŋ̀ bəd íí bòdba.»

Dáà íí tə́ nɛ́b zɔ̀ŋə yɛ́b bə bə̀ gə́, nɛ́b aa zɔ̀ŋə yɛ́b bərə bə̀ dáá ii kíìn í'nàá. Kàandə, íí nɛ́b boò bərá. Zá sàà mə́ vú'iyà sùnú, bít íí nɛ́b zɔ̀ŋə yɛ́b bə bə̀ sɔ̀ŋ gá. Kə̀ taàbìá, nɛ́b aa zɔ̀ŋə yɛ́b bərə bə̀ zèè ii taá.