Popular Bible Verses from ᓬᐅᒃ 7

Share

ᑭᐐᑕᒪᐎᓐ ᑕᔥ ᐃᐃᐌᓂ ᐅᑭᒋ ᓵᑭᐃᐌᐎᓐ ᒦ ᐃᒫ ᐌᒋ ᑭᑫᑖᑾᓂᓂᒃ ᐁᑮ ᐴᓀᑕᒪᐎᓐᒡ ᓃᐱᐗᐞ ᐅᒪᒋᑑᑕᒧᐎᓇᓐ᙮ ᐊᐎᔭ ᑕᔥ ᐐᓐ ᐸᑮ ᐁᑕ ᑳᐴᓀᑕᒪᐎᓐᒡ, ᐸᑮ ᐁᑕ ᐅᓈᑯᑑᓐ ᓵᑭᐃᐌᐎᓐ, ᑮᐃᑭᑐ᙮ ᒦᔥ ᑳᐃᓈᒡ ᐃᓂ ᐃᑴᐗᓐ: ᑭᒪᒋᑑᑕᒧᐎᓇᓐ ᑭᐴᓀᑕᒫᑰ᙮

ᒦᑕᔥ ᒋᓴᔅ ᑳᐃᓈᒡ ᐃᓂ ᐃᑴᐗᓐ: ᑭᑌᐺᐗᑫᑕᒧᐎᓐ ᑭᐱᒫᒋᐃᑰᓐ᙮ ᒦ ᐃ ᐱᓵᓐ ᐊᓂᔑ ᒫᒑᓐ, ᐅᑮᐃᓈᓐ᙮

ᑮᐲᔖ, ᐅᑖᓈᕽ ᐃᓇᑫ ᐁᑮᐃᔑ ᓃᐸᐎᒡ ᒋᓴᓲᓐ ᐁᔑ ᓯᑌᔑᓂᓂᒡ᙮ ᑮᒪᐎ, ᐅᑑᒋᑲᐙᐱᐎᓇᓐ ᐁᑮᐋᐸᒋᑑᒡ ᐁᑭᓰᐲᑭᓯᑌᓈᒡ᙮ ᐐᓂᓯᓴᓐ ᐃᑕᔥ ᐅᑮᐋᐸᒋᑑᓇᓐ ᐁᐹᑾᐊᕽ ᐅᓯᑎᓂ᙮ ᒦᔥ ᑳᐃᔑ ᐅᒌᒫᒡ ᐅᓯᑎᓃᕽ, ᐁᑮ ᓰᑭᓇᕽ ᑲᔦ ᒥᓈᑯᐅᓐ ᐅᓯᑎᓃᕽ᙮

ᑳᐐᓐ ᑲᔦ ᓂᑎᓀᓂᑎᓱᓰ ᐁᑌᐸᑫᑖᑯᓯᔮᓐ ᒋᑮᐱ ᓈᓯᑲᐎᓈᓐ᙮ ᒥᒋ ᐃᑭᑐᓐ ᐁᑕ, ᒦᔥ ᒋᒥᓄᐊᔮᒡ ᓂᑕᓄᑮᐋᑲᓐ᙮ ᒦ ᐃ ᑫᓃᓐ ᐁᔑᓈᑯᓯᔮᓐ ᐃᓂᓂ ᐁᑮᒦᔑᒡ ᑎᐯᒋᑫᐎᓐ ᓂᑑᑭᒫᒪᒃ ᐃᑕᔥ ᓂᑲᓇᐙᐸᒥᑰᒃ᙮ ᓂᑕᔮᐗᒃ ᑲᔦ ᔑᒫᑲᓂᔕᒃ ᑳᑲᓇᐙᐸᒪᒀ᙮ ᐅᐅ ᐯᔑᒃ ᑮᐃᓇᒃ: ᒫᒑᓐ, ᒦ ᐃ ᐁᔑᒫᒑᒡ᙮ ᒦᓇᐙ ᑯᑕᒃ ᑮᐃᓇᒃ: ᐲᔖᓐ, ᒦ ᐃ ᐁᔑ ᐲᔖᒡ᙮ ᓂᑕᓄᑮᐋᑲᓐ ᑲᔦ ᑮᐃᓇᒃ: ᐅᐅ ᐃᔑᒋᑫᓐ, ᒦ ᐱᑯ ᐃ ᐁᑑᑕᕽ᙮ ᒋᓴᔅ ᑕᔥ ᑮᒫᒪᑳᑌᑕᒻ ᐊᐲ ᑳᓅᑕᕽ ᐅᐅᐌᓂ᙮ ᐅᑮ ᑴᑭᑳᐸᐎᑕᐙᐞ ᐁᑮᐃᓈᒡ ᑳᐹᑏᓄᓂᒡ ᑳᐱᒥᓂᔕᐅᑯᒡ: ᑭᐐᑕᒪᐎᓂᓂᒻ, ᑳᐐᓐ ᐐᑳ ᐊᐎᔭ ᓂᐱᒥᑲᐙᓰ ᐅᐅ ᓇᑫ ᒋᔑ ᑌᐺᔦᑕᕽ ᐅᐅᒫ ᐃᔅᕒᐃᔭᓬ ᐊᑮᕽ᙮

ᒦᐃᐌ ᐊᐲ ᒋᓴᔅ ᑳᑮᒥᓍᒋᐋᒡ ᓃᐱᐗᐞ ᐯᒫᑎᓯᓂᒡ ᐁᑕᓱ ᐃᓈᐱᓀᓂᒡ, ᐋᓃᓐ ᑲᔦ ᐁᔑ ᐋᑯᓯᓂᒡ᙮ ᐃᐃ ᑲᔦ ᑫᑭᔥᑳᑯᓂᒡ ᒪᒋᐊᒑᑾᐞ᙮ ᑲᔦ ᑕᔥ ᐁᑮᐙᐱᐋᒡ ᓃᐱᐗᐞ ᐊᐎᔭᐞ ᑳᐙᐱᓯᓂᒃ᙮ ᐅᑮᐋᔑᑌᒫᐞ ᒞᓇᓐ ᑳᑮ ᐲᒋᓂᔕᐙᓂᒡ: ᑮᐌᒃ, ᐐᑕᒪᐎᒃ ᒞᓐ ᐌᑯᓀᓐ ᑳᑮᐙᐸᑕᒣᒃ, ᑳᑮᓅᑕᒣᒃ ᑲᔦ᙮ ᐁᐙᐱᐃᑣ ᐃᑭ ᑳᐙᐱᓯᒀ, ᐃᑭ ᑲᔦ ᐁᐱᒧᓭᐃᑣ ᑳᐱᒧᓭᓯᒀ, ᐃᑭ ᑕᔥ ᑲᔦ ᐌᒥᑮᐙᐱᓀᐙᒡ ᐁᐯᑭᐃᑣ᙮ ᐁᑮᐌ ᐱᒫᑎᓰᐃᑣ ᑲᔦ ᑳᓂᐳᐙᒡ, ᐃᑭ ᑲᔦ ᑫᑎᒫᑭᓯᐙᒡ ᐁᐐᑕᒪᐎᑣ ᒥᓍᒋᒧᐎᓐ᙮