Popular Bible Verses from ᒉᓂᓯᔅ 17

Share

ᐁᐸᕒᐊᒻ Abram ᔖᑲᓯᒥᑕᓇᔑᔖᑲᓱ 99 ᑮᑕᓱ ᐱᐴᓉ ᑮᓈᑯᓰᑖᑯᒡ ᑳᑎᐯᒋᑫᓂᒡ ᐅᐅ ᐁᑮᐃᑯᒡ, ᓃᓐ ᑳᒫᐗᒋ ᒪᔥᑲᐎᓰᔮᓐ ᑭᔐᒪᓂᑑ; ᐃᔑ ᐱᒫᑎᓯᓐ ᐃᓇᑫ ᐁᔑ ᐊᑕᐌᓂᒥᓈᓐ, ᑫᑯ ᑫᑰᓐ ᐃᔑ ᐊᓈᒣᑖᑯᓯᑫᓐ᙮

ᑳᐐᓐ ᑕᔥ ᐊᐗᔑᒣ ᐁᐸᕒᐊᒻ ᑭᑲ ᐃᔑᓂᑳᓱᓰ, ᐁᐸᕒᐊᐋᒻ Abraham ᓴ ᑭᑲ ᐃᔑᓂᑳᔅ᙮ ᑮᓐ ᐋᓃᔥ ᑭᑲ ᐅᑌᑌᒥᑰᒃ ᓃᐱᐗᐞ ᑳᑕᓶᐙᓇᑭᓯᐙᒡ ᐊᐎᔭᒃ ᐯᒫᑎᓯᐙᒡ᙮

ᓂᑲ ᐃᔑᒋᑫ ᑕᔥ ᐃᐃ ᑳᔑ ᐊᔓᑕᒪᐎᓈᓐ, ᐃᑭ ᑲᔦ ᑭᐲᐌᓰᒪᒃ ᑫᓂ ᐊᔮᐙᒡ ᒌᓇᑌᒃ ᐐᑳ ᑫᐴᓂᓭᓯᓄᒃ ᓂᑕᔓᑕᒫᑫᐎᓐ᙮ ᑭᑲ ᐅᑭᔐᒪᓂᑑᒥᒻ ᐃᑕᔥ, ᑭᐲᐌᓰᒪᒃ ᑲᔦ ᓂᑲ ᐅᑭᔐᒪᓂᑑᒥᒥᑰᒃ᙮

ᒦᑕᔥ ᓃᓐ ᐅᐅ ᓇᑫ ᐁᔑᐊᔓᑕᒫᐎᓈᓐ, ᑮᓐ ᓴ ᑭᑲ ᐅᑌᑌᒥᑰᒃ ᓃᐱᐗᐞ ᑳᑕᓶᐙᓇᑭᓯᐙᒡ ᐊᐎᔭᒃ ᐯᒫᑎᓯᐙᒡ᙮

ᑭᔐᒪᓂᑑᓐ ᑕᔥ ᐅᑮ ᐃᔑ ᓇᑴᑖᑰᓐ, ᑳᐐᓐ ᐃᐃ ᑕᐃᔑᓈᑾᓯᓅᓐ᙮ ᑭᐐᐤ ᓭᕒᐊ ᐅᔕ ᐅᑲ ᐊᔮᐙᓐ ᑫᐅᑯᓯᓯᐗᒡ᙮ ᐋᐃᓯᒃ ᓴ ᑭᑲ ᐃᔑᓂᑳᓈ ᑭᑯᓯᔅ᙮ ᒦ ᓴ ᐊᐊ ᐋᐃᓯᒃ ᑫᓀᐱᒋ ᐅᓇᑕᒪᐗᒃ ᓂᑕᔓᑕᒫᑫᐎᓐ, ᐃᐃ ᑲᔦ ᑫᓂ ᐅᐲᐌᓰᒥᒡ᙮ ᑳᐐᓐ ᐐᑳ ᑕᐴᓂᓭᓯᓅᓐ ᐃᐃ ᐊᔓᑕᒫᑫᐎᓐ᙮

ᐅᐅ ᓴ ᑲᑭᓇ ᑫᓇᓐ Canaan ᐊᑭ ᓅᑯᒻ ᑳᔑ ᐲᐎᑌᐌᑖᑯᓯᔭᓐ, ᒦ ᐃᐌ ᑫᒦᓂᓈᓐ ᓀᐱᒡ ᒋᑎᐱᓇᐌᐎᓯᔭᓐ, ᐃᑭ ᑲᔦ ᑭᐲᐌᓰᒪᒃ, ᑫᓂ ᐊᔮᐙᒡ ᑮᐃᔥᒀ ᐊᔮᔭᓐ; ᓃᓐ ᑕᔥ ᓂᑲ ᐅᑭᔐᒪᓂᑑᒥᒥᑰᒃ, ᐅᑮᐃᑰᓐ᙮

ᐁᐸᕒᐊᐋᒻ ᑮᐊᓂᒥᑯᑖ ᒥᑕᑲᒥᒃ᙮ ᒦᑕᔥ ᑳᐃᔑ ᐹᐱᒡ ᐁᑮ ᐃᑭᑐᒡ, ᑰᓂᑫ ᐃᓂᓂ ᓂᑯᑣᒃ 100 ᑕᓱ ᐱᐴᓉᒡ ᐅᑖ ᑲᔥᑭᑑᓐ ᒋᐊᔮᐙᐸᓐ ᐊᐱᓅᒌᔕᓐ? ᑰᓂᑫ ᑲᔦ ᓭᕒᐊ ᔖᑲᓯᒥᑕᓇ 90 ᐁᑕᓱ ᐱᐴᓉᒡ ᐅᑖ ᑲᔥᑭᑑᓐ ᒋᐊᔮᐙᐸᓐ ᐊᐱᓅᒌᔕᓐ?

ᑭᔐᒪᓂᑑᓐ ᑕᔥ ᐅᑮ ᐊᓂᐃᑰᓐ, ᐊᐊ ᑕᔥ ᐐᓐ ᑭᐐᐤ ᓭᕒᐊᐄ, ᑳᐐᓐ ᐊᐗᔑᒣ ᓭᕒᐊᐄ ᑭᑲ ᐃᔑᓂᑳᓈᓰ; ᓭᕒᐊ Sarah ᓴ ᑕᐃᔑᓂᑳᓱ᙮

ᑮᓐ ᑕᔥ ᑭᑲ ᑭᑭᓇᐙᑕᔕᑫᔓᑰ ᑭᑎᓂᓃᐎᐎᓂᕽ; ᒦᑕᔥ ᐃᐃ ᓇᑫ ᐁᔑ ᑭᑭᓇᐙᒋᒋᑳᑌᒃ ᐋᓃᓐ ᑳᔑ ᐊᔓᑕᒫᐎᓈᓐ᙮

ᐊᐊ ᑕᔥ ᐐᓐ ᑫᐅᑯᓯᓯᔭᓐ ᐋᐃᓯᒃ ᓂᑲ ᑲᓇᐌᑕᒧᐙᓐ ᐃᐃ ᓂᑕᔓᑕᒫᑫᐎᓐ ᑫᒦᓇᒃ᙮ ᓭᕒᐊᐗᓐ ᑕᔥ ᐅᑲ ᓂᑖᐎᑭᐃᑰᓐ ᐅᐅ ᐊᐲ ᒦᓇᐙ ᑫᐊᑮᐗᕽ᙮

ᑭᐲᐌᓰᒪᒃ ᓴ ᑫᓂ ᐊᔮᐙᒡ ᑳᔑ ᐊᔮᔦᒃ, ᑲᑭᓇ ᐊᐎᔭ ᑳᐃᓂᓃᐎᒡ ᓂᔣᓱᑯᓇᑭᓯᒡ 8 ᑕᑭᑭᓇᐙᑕᔕᑫᔣ᙮ ᐃᑭ ᑲᔦ ᐊᓄᑮᐋᑲᓇᒃ ᑳᓂᑖᐎᑭᐙᒡ ᑭᐙᑳᐃᑲᓂᕽ, ᐃᑭ ᑲᔦ ᑳᑮ ᐊᑖᐙᑳᓱᐙᒡ ᔔᓂᔮᓐ ᐁᐋᐸᑎᓯᓂᒡ᙮ ᐊᐊ ᓴ ᑯ ᑭᑖᐎᓂᕽ ᑳᑕᔑ ᓂᑖᐎᑭᒡ, ᑯᒫ ᑲᔦ ᐊᐎᔭ ᑳᐊᑖᐙᓱᒡ ᔔᓂᔮᕽ ᐅᒋ ᐅᒋᑕᑯ ᐃᔑᓈᑾᓂᓂ ᒋᑭᑭᓇᐙᑕᔕᑫᔓᓐᒡ᙮ ᒦᑕᔥ ᐃᐃᒫ ᓂᑕᔓᑕᒫᑫᐎᓐ ᐐᑳ ᑫᐴᓂᓭᓯᓄᒃ ᑫᔑ ᑭᑭᓇᐙᓯᓈᑾᒃ ᑭᐐᔭᐎᐙᕽ᙮