Popular Bible Verses from Mak 2

Share

Eme Jises anuhun oro, ma iy tiye toro i buku doh, “Iri lau ale babo sik bwe, iri winiyan baso-ok ndramak ta anyumor iri bwe. Arile iri lau tiri sik le badeh, aseken seben. Jo eme dah ta aseben lau mwasin le bwe. Jo eme dah badeh, ta aseben iri lau ta karei ma ta lomondra ndra-in udu tiri kasahan mwasin.”

Eme Jises anyolom budon toro boto-on labai in tan, ya eme iy tiye sahou i ta ndramak nane badan imek anya, “Naduk, kandriyen tam ndra-in mari badeh, ndrasikine mara-ei ndra-au.”

Eme ma Jises asehek sendrehendreh i buku doh, “Mesekei len ta amunyau badeh, ta aseben ndramak labai, arile bamesekei ndramak ta aseben len ta amunyau bo-oh.

Arile iri lau solo-an labai, eme oro winiyan batiyani iy bala hawe Jises bwe. Eme oro bosokei bwele-e asiu amwenen le bwele-e Jises ales udu aliy, eme oro atehei ndramak nane dah in bada nyahan tan ili andri amwenen le ta batala Jises.

Jo winiyan leheya ewek tado ma ado ki tana ado, ta Nadu Ndramak Awas badeh, boto-on labai, udu bwele-e munyak dah ta tiye i ta ndramak ta mani kandriyen tan ndra-in iu.” Eme Jises tiye i ta ndramak badan imek dah, “Jo tiye tam, ou suri ou, ou andrei nyahan tam ma ou au a kon!”

Katiye ki manamwun ki buku sah handru ki ta ndramak badan imek dah, ‘Kandriyen ndra-in tam ndrasikine ndra-au,’ deh, bwe katiye, ‘Ou suri ou, ou andrei nyahan tam ma ou adek’?

Eme iri mari anyolom ndramak nane dah suri iy eme loken, andrei nyahan tan ma iy edek iu. Eme iri mari mani iri atur labai, ma iri atudun nyara Kindrei i buku doh, “Ahi ndra bwena bwena batou ari lakou bala buku dah bwe!”