Popular Bible Verses from Mak 16

Share

Eme ma iy tiye i toro i buku doh, “Ado kala bolo kon munyak mara-ei badeh, katiye sahou mwasin doh ki tiri lau mari.

Idah kameh kalem asahan ta are lau budon tan handru in ta aliy. Na boto-on ta nyarak le, iri kameh atikah malawin ndra-in iu, ma idah kameh iri asehek boho kon rakon ja nane iri tana iri bwena bwe. Ya, i buku none iri ateu mwak deh, bwe iri a-un gwa nyakadan, idah kameh iri winiyan bakohok sisi-in ma bamak bwe. Ma idah kameh iri adeu mine iri i bwele-e iri lau abo sik, ya idah kameh sik udu tiri iu.”

Ya iy are budon tan handru in ta sahou mwasin ma kanyuwi iy, idah kameh Kindrei sebenei kohan. Arile, iy are lau batehei budon tan handru ba-en ta sahou mwasin bwe, idah kameh iy ales ere ta sahou udu mada Kindrei ma iy kameh akohok ndra-in labai, tasah ta lomondra ndra-in tan.

Eme ma oro au a len, ma atiye sahou ili bolo kon mari, ma Laban aseben oro ma amekes kalem asahan ta edeu boto-on i ta sahou toro.]

Eme iy tiye i toro, “Ado satoroyani ado. Ado anya kasilah Jises badu Nasaret iri mene tatahi iy i bada kei tondreh. Iy badeh, ndramak ndrame awas ja! Ya ado kanyolom ndrahunen mene iri nyahani iy in aliy.

Oro asehek i buku doh, tasah bek badeh, laba tinan labai. Ano oro suri batu oro eme loken le badeh, oro anyolom bek ta mada lek badeh, ndratundruwiy ndra len. Eme oro a bolon badeh, oro atou ndramak loweu ari asini awin belen nyikilikin labai manyah badeh, udu loboho lim salin. Eme ya oro toroyani oro.