Popular Bible Verses from Jon 19

Share

Jises anyuwi waen nane dah ano, ma iy anya, “Kabwai, lahou mara-ei ndrano.” Iy eme atehei batun i andri ma iy ruwani kohan ma iy imek.

Jises tanan ta iri gok tan mara-ei ndrano ai. Iy eme aloh, “Balek ndramar ta gwa.” Iy asehek doh ta amekes sahou udu bolo buk ndrabun eme asahan handru.

Jises anyolom tinen ma hawe lau tan ari iy aso-ok iy tinan labai ales are hawe tinen. Iy eme asehek sahou ili ta tinen, “Tine, iy ndramak kede-eh nadum handru.” Ano iy asehek ili ta lau tan nane, “Iy badih kede-eh tinem.” Eme udu ndra bada len doh badeh, iy lau ta Jises nane andrei tine Jises ili asiu hawen ma tondrokei iy.

Arile iri ame ta Jises, iri anyolom iy ndramak ndra nane, ma iri batubwani katin bwai. Arile ndramak tiri ari ta bahun eme aso-ei kabede Jises na nyah. Eme ma ndra hawe gwa amou eme len.

Iri lakou marakon nane doh, bwidiy amwenen ta sahou udu bolo buk ndrabun eme asahan handru, “Ari ndruwin winiyan babok bwe.” Sahou randra ja bolo udu buk ndrabun asehek i buku doh, “Iri kameh anyolom i ta ndramak nane iri orowei kabeden na nyah.”

Iri tiye iy ta bwese kei tondreh tan. Iy bwese-ei ili isos kon ari iri aloh “Kon ta bwisi bar ta ndramak,” ili boho kon tiri Hiburu iri aloh Golgata.

Iri lau ta bahun tabuwi bada malou bobodon i se buku none barak ma atehei ili batun. Ano iri atehei kolau ra-ei saraman lawe-en ili la-un.