Popular Bible Verses from Matiyu 2

Share

Apakaemo nopiʼmo uʼa haiʼa anakayana mafaʼneʼaʼe itaʼamoʼmo Maliyaʼeʼmo maiʼnaʼageʼa anaketeʼapaeʼmo apaleʼyamo faiʼneʼa ape huʼa Yesufeʼmo mono huʼnae. Kesiʼapifatiʼmo yakiʼa goli yafanagi lusi moniletiʼmo miya nefaiya yaʼmo atafiʼmo kaeʼnageno alagepa atumo neʼaiya yanagi alagepa atumo neʼaiya uvelimogi huʼa amiʼnae.

Maliyaʼa Yesuʼmo Metelehamu taonifiʼmo Yuta kotegamo Helotiʼa kini vekamo maiʼneno vayaʼaiteʼmo yagaino apateʼniya afinaʼmo alino ateʼniye. Alino ateʼnigeʼapaeʼmo kanefiʼmo alagepa huʼa neʼagaya vayaʼmo yegemo haine neʼeya kotegatiʼmo eʼa Yulusalemu taonifiʼmo avaʼyi huteʼapaeʼmo, Yu vayaʼaiteʼmo yagaino apatesiya kini vekamo saufamo alino ateʼniya mafaʼnemo haiyaʼaleʼmo maiʼniye. Lagaemo agae kanefiʼmo yegemo haine neʼeya kotegatiʼmo ageteta agaefeʼmo mono hisunafeʼmo agaetegamo neʼone, huʼa huʼnae.

Haneʼnigeʼa ageteʼapaeʼmo lusi kava huʼa apamogaga aime aime uʼnae.

Gotiʼa alagamuna kategatiʼmo hapa painoʼaeʼmo, Helotitegamo halate atagi neta oʼviyo, huno hapa paiʼnigeʼa ataleʼa alu katetiʼmo koʼapilegamo uʼnae. Apakaemo utagenoʼaeʼmo Yosefeʼa alagamuna ageʼniyana Ala kava neʼmo enisole vekaʼamoʼa hunoʼaeʼmo, he tika mafaʼneʼaʼe itaʼamoʼeʼmo anavalelika kaune heka Isipi kotegamo uvo. Helotiʼa ani mafaʼnemo amagisiyafeʼmo kahauya nehiyanagi anavalelikuka Isipi kotegamo nagava maiʼnegeʼnao kaha paiguve, huno ha paiʼniye.