Popular Bible Verses from Hamakaki 1

Share

Ala kava neʼmoʼa geʼaleʼmo aeno atagaina huno ha painoʼaeʼmo, Ago, huʼna, nagaemo alu nofi vaya alu nofi vayaʼmogi folagapiʼmo lokiya kavaʼmo huguve. Agetapa lahapau oʼaiyo. Nagaemo lapakaemo maiʼnaya afinaʼmo lusi aliʼyaʼmo aliguve. Mago vekamoʼmo ani kavafeʼmo lapa paiʼniyesinana ani geeʼmo lama gemo huʼniye, hutapa lapakesamo oʼafiʼnaesine.

Afitenoʼaeʼmo, O Ala kava nene, huʼna, na magi afinaʼmo nagaemo magoʼe huʼna kagaefeʼmo lokiya vaiʼna ge hisugekaeʼmo oʼafigane. Nagaemo hosu vayaʼmogi kaveta huge kame huge nehaya kavafeʼmo lokiya vaiʼna ge huʼna kaha nepaugekaeʼmo hanageke yaʼmo aliʼnaya vayaʼaina hapa noʼmane.

Na kava higekaeʼmo vayaʼai hosu kavaʼapimo alika nave neline. Na kava higekaeʼmo hosu hanageke kavaʼapimo alika nave neline. Kumaya alige vayaʼmo apamagige vayaʼmo hapaege huʼnaya kavaʼapimo naulagaleʼmo afole neʼaiye. Agoti huʼa apateteʼapaeʼmo kaveta nehae.

Ani kavaʼmo nehayaʼmofeʼmo keʼaepa gemoʼa lokiyaʼamo ohaneʼnigeʼa aliʼa api aiʼa oʼapateʼnageno fatago kavaʼmo afole noʼaiye. Hosu vayaʼmogi fatago vayaʼmo faiʼa vego huʼa neʼapatayaʼmofeʼmo alagepa huʼa aliʼa api aiʼa noʼapatae, huno ha paiʼniye.