Popular Bible Verses from Aepa Gemae 50

Share

Lapakaemo nagaetegamo hosu kavaʼmo hugune, hutapa lapakesamo afitetapa huʼnayaʼmonanafa Gotiʼa alagepa kavaʼmo afole aisiyafeʼmo afaʼa lapateʼnigetapa ani kavaʼmo huʼnae. Asole vayaʼai apakufamo alino katino apatesiyafeʼmae.

Yosefeʼa hapa painoʼaeʼmo, Lapakaemo koli osiyo. Nagaemo Gotiʼnamo oʼmaiʼnovanageʼna agoti huʼna olapategauve.

Ani kavaʼmo huʼniyaʼmofeʼmo koli osiyo. Nagaemo lapakaeʼe mafaʼne anagatapiʼeʼmo afaʼa yagaiʼna lapategauve, huno hapa paiteno koli huʼnaya apaipa apakesamo huno falu hisiyafeʼmo falu fala gefatiʼmo huno hapa paiʼniye.

Lapakaemo Yosefefeʼmo ina ge hutapa ha paiyo. Kahaoke hovanagi, nepukamogi hosu kavaʼapimo afaʼa alika atalo. Apakaemo kagaetegamo hosu kavaʼmo huʼnayaʼmofeʼmae, huno laha paiʼniye. Hemenimo kahaoke honanagi afokamo Gotiʼamo aliʼyaʼamo neʼaluna vayaʼmogita hosu kavatimo afaʼa alika atalo, huʼa huʼnaya gemo Yosefeʼa afitenoʼaeʼmo aviʼyaʼmo huʼniye.

Henagaʼamo Yosefeʼa konagaʼamogifeʼmo hapa painoʼaeʼmo, Falisuva afinaʼmo ago hogo huʼniyaʼmonanafa Gotiʼa emineno lapa maeno mani kotetiʼmo lapavalelino hogoteno agoʼyamo ataletenoʼaeʼmo Emalehamufenagi Aisakifenagi Yekopufenagi huno lapamiguve, huno hapa paiʼniya kotegamo ugiye, huno hapa paiʼniye.

Yosefeʼa Isaleli mafaʼne anagaʼaifeʼmo hapa painoʼaeʼmo, lapagoʼyamo ataletetapaeʼmo, kayamufakamo alinituta Kenani kotegamo kita ategaune, hutapa naha paiyo. Gotiʼa emineno alagepa huno lapa maesigetapa mani kotetiʼmo nayamufaʼnimo alinitapa ugae, huno hapa paiʼniye.

Inagi Yosefeʼa vani hataleti teniʼa kafugamo maiteno faliʼniye. Mago lota vayaʼmogimo agufaleʼmo malasinimo faleʼa ateteʼa kesifiʼmo maleteʼa Isipi koteʼmo maleʼnae.