Popular Bible Verses from Aepa Gemae 45

Share

Gotiʼa lapakufamo aliʼna katiʼna lapatesuvafeʼmo hogoteno alino nateʼnigeʼna eʼna maiʼnovaʼmofeʼmo nagaemo navaleta maketi huʼnaya kavafeʼmo lapaipamoʼmo kana osinageno lapakaitapieʼmo lapaipamo oleno.

Ani kavaʼmo huʼniyaʼmofeʼmo lapakaemo alitapa nateʼnageʼna oʼmeʼnofa Gotikeʼmo alino nateʼnigeʼna eʼna maiʼnove. Gotiʼa Felo hisiya kavafeʼmo ha paisuva vekamo maisuvafeʼmo alino hamaleno nateʼnigeʼna noʼafi yateʼmo yagaiʼna atege muki Isipi koteʼmo yagaiʼna apatege nehuve.

Gotiʼa alopa kavatetiʼmo lapa maesigetapa mafaʼnetapimo afaʼa maige lapakaemo ofalige hisayafeʼmo nagaemo hogoteno ago alino nateʼnigeʼna eʼna maiʼnove.

Inagi Yosefeʼa hunoʼaeʼmo, Lapaoke hovanagi nahaopaʼaleʼmo eyo, huno huʼnigeʼa eʼnagenoʼaeʼmo, nagaemo Yosefeʼnamo lapakanatapimoʼnamo maiʼnove. Lapakaemo hogotetapa nagaemo navaletapa kagemi yaʼapimo haneʼniya vayaʼaiteʼmo maketi huʼnageʼa miya faiʼa navaleliʼa Isipi kotegamo eʼnae.

Lole kafugamo mani koteʼmo kafu kavaʼmo ago afole aiʼnigeno faefuʼa kafugamo afa haneʼniyaʼmofeʼmo hoyamo aiʼyu oʼaige hoyafatiʼmo neʼyaʼmo oʼalige hugae.

Yosefeʼa nepuʼamogifeʼmo hapa painoʼaeʼmo, Nagaemo Yosefeʼmae. Afoʼnimoʼmo ofalino afaʼa maiʼnifiye, huno ge huno apafi geʼnigeʼapaeʼmo nepuʼamogimo agaefeʼmo koli huteʼa ge osuʼnae.