Popular Bible Verses from Aepa Gemae 18

Share

Mago kavaʼmo Ala kava neʼmoʼa afaʼa osisiya agufa kavaʼmo haneʼnifiye. Lekana paiʼna ateʼnova afinaʼmo mani hemeni agufa afinaʼmo kagaetega halate esugenoʼaeʼmo Selaʼa ve mafaʼnemo alino ategaiye, huno ha paiʼniye.

Huʼniyaʼmofeʼmo Sela aipafiʼmo kigi nehunoʼaeʼmo, nagaemo ago anekalomo maiʼnovanageʼna nagufaeʼmo namogaga aisufiye. Ani kavakeʼmo huno kava vekaʼniʼeʼmo ago kosunamo leʼniyaʼmofeʼmae, huno huʼniye.

Ala kava neʼmoʼa hunoʼaeʼmo, Nagaemo hugefe hisuva kavafeʼmo Emalehamuʼmo ha opaiʼneʼna hisufiye. Emalehamupatikeʼmo lokiya nofi vayaʼmo afole aigae. Nagaemo agaetetikeʼmo muki ma mopafi nofi vayaʼmo aliʼna auleʼna apategauve.

Inagi lole vekalaʼmo Satomi taoni kateʼmo utaʼageno Emalehamuʼa Ala kava neʼmo aulagaleʼmo he tino maiʼneno Ala kava neʼmo haopaleʼmo uno ina ge huno ge huno afi geʼniye, kagaemo fatago vayaʼe hosu vayaʼeʼmo magokepi alika hano huka apatalesanafeʼmo nehapiye. Fifitiʼa fatago vayaʼmo ani taonifiʼmo maiʼnisayana fifitiʼa fatago vayaʼaitefeʼmo afaʼa apakegeka oʼapateka ani taoniʼe muki vayaʼeʼmo alika hano huka apatalegapiye.

Huno huʼnigeno Ala kava neʼmoʼa geʼaleʼmo aeno atagaina huno ha painoʼaeʼmo, Nagaemo apakesuvana Satomi taonifiʼmo fifitiʼa fatago vayaʼmo maiʼnisayaʼmoʼmo apakaetefeʼmo muki vayaʼmo afaʼa apakegeʼna apategauve, huno ha paiʼniye.