Popular Bible Verses from Apa 26

Share

Nagaemo Yu vayaʼaitegaʼe alu nofi vayaʼaitegaʼeʼmo aliʼna katesugeka uka maiʼnisanageʼnaeʼmo apayapatiʼmo kagufamo aliʼna katiʼna kategauve. Apakaemo nagaefeʼmo apakesamo afiʼa fatago hisageʼna hosu kavaʼapimo aliʼna atalesugeʼa Goti apaote vayaʼaʼeʼmo hetamaʼapimo aliteʼa magokepi lokaeʼa maisayafeʼmo kagaemo uka apaulagamo alika ayakeka apateteka hani huʼnisiya yategatiʼmo apayate alinika aika atagi nekeka ha le yategamo apategane. Sataniʼa yagaino neʼapateya kegiʼyafatiʼmo apayate alika apavalelikeka Gotiʼa neʼyagaiya kegiʼyafiʼmo apategane, huno naha paiʼniye, huno ha paiʼniye.

He tika maiyo. Aliʼyaniʼmo aliteka geʼnimo aeka hakalo huka hapa paisanafeʼmo lekana paiʼna katesuvafeʼmo kagaeteʼmo afole aiʼnove. Kagaemo nageʼnana kavaʼe aliʼna kave lisuva kavaʼefeʼmo ava gemo huka hapa paigane.

Naha paiʼnigeʼnaeʼmo, Ala kava nene, huʼna, Kagaemo ina lagae, huʼna afi geʼnogenoʼaeʼmo, Yesuʼnamo kaini huka neʼnatana vekamo maiʼnove.

Agalipaʼa hunoʼaeʼmo, aise afinaʼmo Kalisitini vekamo hamalesuvafeʼmo nagesamo alika naha nepaine, huno ha paiʼnigenoʼaeʼmo