Popular Bible Verses from Apa 14

Share

Alopa gefatiʼmo huʼanaeʼmo, Na kava higetapa ani agufa kavaʼmo hugefe nehae. Laʼagaemo lapakaekana hutaʼa vayalafatalaʼmo maiʼnoʼae. Laʼagaemo lapa paitaʼaeʼmo, Ani agufa kavaʼmo ina agufa kavaʼmo haneʼniyanageno lapa oʼmaegaiyanagi ataletapa Gotiʼa afaʼa maiʼniya vekamoʼmo kokuʼnanagi ma mopagi solovala aninagi muki ma mopafiʼmo haneʼniya yanagi kokuʼnate haneʼniya yanagi huno alo huʼniya Gotitegamo viyo, hutaʼa lapa paitetaʼa alagepa faigoko gemo aetaʼa hakalo hutaʼa lapa nepauʼae.

Ani vekamo maiʼnenoʼaeʼmo Poloʼa huʼniya gemo afiʼnigeno Poloʼa agetenoʼaeʼmo, aliʼna he tiʼna atesuvafeʼmo agesamo afino fatago nehiyaʼmofeʼmo afaʼa aliʼna he tiʼna ategauve, huno agesa afiteno aulu haeno agetenoʼaeʼmo alopa gefatiʼmo hunoʼaeʼmo, He tika aeka apafe lo, huno ha paiʼnigenoʼaeʼmo malage huno he tino aeno hailo huno uneno huʼniye.

Anakaemo muki siosiʼale siosiʼaleʼmo uʼeʼa huʼana nunumuʼmo huge neʼyaʼmo mosiʼana maige huʼana maiʼneʼanaeʼmo Goti vayaʼaleʼmo yagaiʼa apatesaya vayatama vayaʼmo lekana paiʼana apateʼnaʼae. Apateteʼanaeʼmo Ala kava neʼmoʼa alagepa huno yagaino apatesiyafeʼmo apakesamo afiʼa fatago nehaya Ala kava neʼmo ayamufaʼage vekamo ayapiʼmo apatemale apatemale huʼana umenitata huʼnaʼae.