Popular Bible Verses from Marcos 13

Share

Tukui­kuna­mi kam­kuna­wa rabia­rin­gapa kan­kuna, kam­kuna nuka­wa kag­manda. Chasa pasa­nakuspa­pas, wañun­kama nuka­lla­wa iuia­rispa kag­kuna­mi kispi­rin­gapa kan­kuna.

Chi­manda, sumag­lla iuiai­wa rigcha­raiag­sina kan­gi­chi. Kam­kuna­pas mana iachan­gi­chi­chu, ima ura nuka samun­gapa kagta.

—Jus­ti­sia­kuna­pagma kam­kunata apa­ura, mana iapa iuia­na­kun­gi­chi: “¿Imasa­mi pai­kunata ai­ni­ni?”. Ainin­gapa chaia­ura, kikin Santu Ispi­ri­tumi iuia­chin­gapa ka. Kam kikin­kunapa iuiai­wa mana rima­na­kun­gapa kan­gi­chi­chu. Santu Ispi­ri­tu­mi kam­kunata alli­lla rima­chin­gapa ka.

Sug luar i kai alpa luar puchuka­rigpi­pas, nuka ima nis­kaka mana ialin­gapa kanchu.

—Ima puncha ima ura chasa tukug­samun­gapa kagta, mana pipas iachan­chi­chu. Ñi suma luar­manda anjil­kuna ñi Diuspa wam­brapas mana iachanchu. Nuka­pa Taita­lla­mi iachá.

—Tukuimami mana llakis­pa­lla wañu­chi­na­kugta iacha­rin­gapa ka; kam­kuna mana mancha­ri­na­kun­gi­chi. Chasa­mi pasa­rin­gapa ka. Nig­pi­pas, kai alpa puchuka­rii pun­cha manara chaia­muska ni­raian­chu.

Chi runa­kuna mana iachar­ka­kuna, patrun ima­ura kuti­mun­gapa kagta. Chasa­lla­ta­mi kam­kuna­pas mana iachan­gi­chi: ¿amsa­ia­ku­ura­chu chaia­musa, u chaugpi tuta, u gallu kanta­ura u tutata paka­ri­ku­ura? Chi­manda, iuiai­pilla kan­gi­chi. ¡Amalai puñu­riska kag­sinata shachig­samun­trani! Nuka ima kam­kunata niska, tukui­kuna­ta­mi nini: “Iuiaipilla kan­gi­chi”.

Ñugpa­mi sug mandag alpa­nig­manda­kuna­wa sug­nig­manda­kuna­wa wañu­chi­na­kui tian­ga­pa ka. Sug­nig­manda sug­nig­manda­mi alpa kuiu­rispa chapu­rispa rin­ga­pa ka. Iapa iarkaimi tian­gapa ka. Chi llakii­kuna pasa­riska, chara kalla­rii­lla­mi kan­gapa ka.

Nuka­manda Alli Willaita tukui runa­kunata kai alpapi willa­ura­mi kai alpa puchuka­rii puncha kan­ga­pa ka.

Achka­kuna­mi, nuka­sina tukuspa, samun­gapa kan­kuna, kasa nispa: “Nuka­mi Taita Dius agllaska Cristo kani”. Chasa rima­na­kus­ka­waka achka runa­kuna­ta­mi llulla­chin­gapa kan­kuna.

—Alli­lla iuia­rispa kaug­sa­na­kun­gi­chi. Kam­kunata apispa, jus­ti­sia­kuna­pag­ma­mi apan­ga­kuna. Tanda­ri­diru wasi­kuna­pi­mi kam­kuna­ta asutin­ga­kuna. Kam­kuna nuka­wa kag­manda, atun mandag­kuna­pag­ma­mi puri­chin­ga­kuna, jus­ti­siai tukun­gapa. Chi­ura, pai­kunata nuka­manda­mi willankan­gi­chi.

Chi pun­cha­kuna, iapa llulla­chig­kuna­mi kawa­rig­samun­gapa kan­kuna, kasa nispa: “Nuka­mi Cristo kani” u “Nuka­mi Santu Ispi­ri­tu­wa rimag kani”. Chi runa­kunaka, mana ima­ura­pas kawas­ka­sina i ujna­rin­ga­sina­mi kawa­chin­gapa kan­kuna. Chasa kawa­chis­ka­waka Taita Dius agllas­ka­kuna­ta­pas­mi ñalla llulla­chin­ga­pa kan­kuna.

—Chi iapa llakii puncha­kuna ialiska­ura­mandaka, indimi amsa­ian­gapa ka; ki­lla­pas, manami puncha­ia­chin­gapa ka; istrilla­kuna, awa­manda­mi urman­gapa kan­kuna; kai alpa­manda awa ladu tias­ka­kuna­pas­mi kuiu­chii tukun­gapa kan­kuna.