Popular Bible Verses from Lucas 11

Share

Kam­kuna, mana alli kaspa­pas, kam­kunapa wam­bra­kunata suma ima­pas karan­gi­chi. Nig­pika kam­kunapa Taita suma luarpi kagka, ¿ima­wan­tak mana Santu Ispi­ri­tuta kara­munga, mai­kan suma mañag­pika?

—Chi­manda nii­ki­chitami: Taita Diusta mañag­pika, kara­mun­ga­pa­mi ka. Paita maskag­pika, tarin­ga­pa­mi kan­gi­chi. Pungu taka­chig­rig­pika, kam­kunata paska­pun­ga­pa­mi ka.

Mai­kan­pas chasa mañag­pika, chaskinga­pa­mi ka. Mai­kan­pas maskag­pika, taringa­pa­mi ka. Mai­kan pungu taka­chig­rig­pika, iaiku­chinga­pa­mi ka.

Chi­ura, Jesuska nirka: —Kam­kuna Taita Diusta maña­na­ku­ura, kasa nin­gi­chi: Nukan­chipa atun Taita: kam tukuipi mas alli kagta tukui­kuna ni­sun­chi. Nukan­chi­wa samui, iaia kan­ga­pa.

Nukan­chi ima panda­ris­ka­kunata pasin­siai. Chasa­lla­ta nukan­chipas, sug­kuna ima llaki­chis­ka­kunata pasin­sian­chimi. Mana sakii, nukan­chi mana alli iuiai­kunata iuia­na­kun­ga­pa.

Tukui puncha­kuna, tanda minis­tiska nukan­chita kara­mungi.

Kam­kunapa ñawi­kuna, kuir­pupi puncha­ia­chig­sina­mi kan­kuna. Ima­ta­pas alli iuiai­wa kawag­pika, kam­kunapa kuir­pupas suma puncha­iag­sina­mi kan­ga­pa ka. Ikuti mana alli iuiai­wa kawag­pika, kam­kunapa kuir­pupas iana tutapi kag­sina­mi kan­ga­pa ka.

—Ñi pipas mana bila sin­di­chin­kan­gi­chi­chu, paka­lla­pi u ka­wi­tu ukuma churan­ga­pa. Awa­pi­mi churan­ga­pa kan­gi­chi, mai­kan iaikug­kunata puncha­ia­chin­ga­pa.