Popular Bible Verses from Mateo 22

Share

Jesús quemari rijló: —Huahuacára'ajeri Tupana. Ricaja calé Iná Chi'ináricana. Pihuata íqui'ija Pihuacára'ajeri Tupana. Pihuajhué ricá. Pi'ijnatá caja pipéchuhua rinacu. Pehuíña'o caja nacaje nacú, ri'imacáloje palá rinacu penaje. Pila'á caja piyuqueja nacaje, ri'imacáloje palá rinacu penaje. Marí que pila'acá, pihuátacale ricá íqui'ija. Apú nacaje rihuacára'acare iná la'acá chaje íqui'ica rihuátaca iná la'acá marí que. “Pihuata caja íqui'ija piyuqueja ina'uqué pihuátaca picó que caja”. Apa'amá nacojé quemacana que caja marí.

Ra'apiyá jema'acana aú iná la'á Tupana puráca'alo lana'aquéjami quemacá que. Moisesmi chu, ripuráca'alo ja'apátajeñomi chuna, quele lana'acare ri'imacá —que rimacá najló.

Marí que Jesús i'imacá yucu najló. E rimá najló: —Tupana quemari cajrú ina'uquejlo, ne'emacáloje rijhua'atéjena penaje. E'iyonaja huejápaja necá ri'ihuapacárena ina'uqué e'iyayá.

Caja taca'acaño macápo'ojico ejomi uncá pajhua'atéchaca huá'acajeñomi que calé ne'emajica re. Uncá caja nahuá'acalajo piño pajhua'atéchaca. Tupana hua'atéjena, je'echú chu i'imacaño, que caja ne'emajica rihuacajé.

Iya'atá nojló liñeru, iná a'acare iná i'imacánajlo, nomachi. —Je. E na'á rijló pajluhuata. Jesús yacá'aro richaje. E rimá najló: —¿Na jenami chi cari liñeru nacú? ¿Na ií cari lana'aquéjami rinacu? —Hue'emacana Cesar jenami quele rinacu. Rií caja quele lana'aquéjami rinacu —que nemacá rijló. Rimá najló: —A'á i'imacánajlo quele liñeru rihuátacare. Ila'á caja Tupánajlo nacaje rihuátacare caje.