Popular Bible Verses from Mak 13

Share

La limixin axap diba belemamao nimi mila mi mumu asu ia. Ketla lara do i tu lolos keneng at levesongsongot ise at laxavaxap ap mo levenaleng, ne Moroa naba lox arooro i.”

Kuren la nemi mina reven avukat mila mixoklen i do lingisa mo laaleng ba rupot.

Do dina ranga alis nimi la dina lam kaka nimi uto at lavapaase, nemen mita marat at levelinga salai miba tong asu i ridi. Miba tong asu mene mo levelinga nak lok at levendoxoma atnimi ap mo loxonaleng mila Loroonan Kaala naba raba nimi mi levelinga.

Laxalibet mi lavatbung menemen naba sonao, ketla levelinga rak noxo xap.”

La ne Iesu ga lok bok, “Kopmen tara naklen laaleng at lovotpot tarak; lubung angelo bok kopmen dinaklen i la nenia, ne nitna bok kopmen anaklen i. Tamak kusuk mun iklen i.

La miba ronga i do laraesep mo ik lok la laraesep bok ba vot, ketla laxavaxap at na lavatbung menemen noxo vot ap mo levenaleng.

La nemi mi lok ngan nom lasaxaruki ga lok tatao lumusaragu. Mina reven avukat amisik mila mixoklen mo laaleng Leeme Silok nabamlong teren. I epovo na rupot ukantinao kopla at laxanimin tubu kopla at nom loxonaleng lengkaxak ing teng kaxat teren, kopla at loxonaleng laxangking it losu ren. Mina reven avukat, naba lok kapmek do mina unga ap mo loxonaleng neni na rupot teren. Nom levelinga ara tong pam i rinimi, la aba tong box i ri limixin axap, mina reven avukat.”

Limixin at levennep silok diba esep eburu mi limixin at levennep silok petpes. Lavaorong silok at levennep diba esep mi lavaorong at levennep petpes. Levenangne ba rupot to at tevengkot axap eburu mi leean kangking. Nom levempanga ba ru katling lavakpaxaru kaxat ap mo levenaleng, ba lok ngan losongsongot i rupot at latkin mo i auret kusu na visik.

La limixin boro at levennep axap diba ronga be Lagale Lavavang tarak la melemu ren laaleng silok ba rupot.

mila buaang luvuttadi diba rupot mi laasen tarak la diba lok, ‘Nenia Lanarong!’ La diba sar asoogong buaang limixin mi laxalinga xaxarang atdi.

Ketla mina lok tatao avukat nimi. Tentaba diba ranga alis nimi la miba tu at lavapaase ro melamgo at lavaeme silok la dibak pixis nimi ro at laraugu singising. La miba tu at lavapaase ro melamgo at lavaeme amgomgo mi lavaorong silok mila nemi mi nuunu rak, ketla miba tong asu Lagale Lavavang tidi.

mila buaang nedi limixin babala diba lok do nedi mo lavanarong at ne Moroa la lavaeme vapaase alii ren; diba lok tempanga sangsangu xusu diba sar asoogong lavaanat soksoxolik at ne Moroa, mo do di epovo.

La ne Iesu ga lok bok tidi xeretna, “Ketla ap mo levenaleng melemu at na levenmumuat leveloklok katling naba vot, ‘Losoosoo at laxangking naba xap, la lagaaling noxo soosoo. La larapenti naba subu si boro vana at laxalibet la lempanga mevana diba sixit ekarakat la kopmen di noxo sixit mu larangas atdi.’