Popular Bible Verses from Luk 15

Share

Kuren la ga vas kaxat uto at ne temen. Neni move gat pas to vaxalom la ne temen ga ven kibis ka i; la lebelen ga umsu mi labalamu la ni ga sixit, la ga ot kongkodan ka lamdak teren, la ga nes i.

Mila ana lamdak tarak ga met, ketla ira roo xat amlong pam; ga vuktanga, ketla ana nga ara lok ka amlong pam i.’ La diga ru ka leluxa.

Kuren mun, la a tong i rinimi, do langsangan lomomo aleng kantubu atnedi di nemen to vana at laxalibet mila tegesa radi xapmek neni i leeng basinge laxakapmek teren; ketla ti lavasik sangaun mi lavasik, lomomo lixilik mun tinedi ro vana at laxalibet; mila nedi dirak mokso vam la dixok pakes ti leeng.

Ana vas kaxat la anamlong uto at ne tamak la ana lok, ‘Tamak, agara lok pam laxakapmek ti ne Moroa la tu bok.

La lamdak ga lok, ‘Tamak, agara lok pam laxakapmek ti ne Moroa la tu bok. Ixo epovo bok ba xusu una tong ia do lamdak taram.’

“Dola tara atnimi i ruuna legesa sangaun kobot (100) sipsip la legesara atdi na soogong, neni naba lok lavanga salai? Neni naba on basinge lavasik sangaun mi lavasik laxasipsip to at laxampivilis atdi, la nat pas kusu na ven ti nom legesara no ga vas soogong, se rinotno neni ira long lenget ka i.