Popular Bible Verses from PHILIPPIANS 4

Share

T'áadoo ha'át'íhída nihida'diił'áhí, nidi ahééh danohsingo t'áá ałtsojį' sodizin índa ná'ookąąh bee deínóhkeedígíí Diyin God bił béédahonohsin le'.

Áko Diyin God bits'ą́ą́dę́ę́' bee ach'į' hózhǫ́ náhásdlį́į'ii, ak'idi'yiitįįh t'áá ałtso yiláahdi át'éii, éí Christ Jesus bee nihijéí índa nihintsékees yaa áhályą́ą doo.

Shik'isóó, díí bee ninisht'ééh: ha'át'íhída t'áá aaníí nilíinii, ił ílį́ yą́ą́h nilíinii, ts'ídá t'áá ákogi át'é nilíinii, chin bąąh ádinii, ayóó'ó'ó'ní yą́ą́h nilíinii, yá'át'éehgo yáti'ii, ha'át'íhída aláahgo yá'át'ééh nilį́įgo, índa aa ha'niih yą́ą́h nilį́įgo, éidí baa nitsídaahkees.

Christ shidziilgo ásósinii bee t'áá ałtsoní ádeeshłíiłgo bíneesh'ą́.

T'áá áłahjį' Bóhólníihii bee nihił dahózhǫ́. Náá'áłdó' ánáádísh'ní, Nihił dahózhǫ́!

Áko shiDiyin God éí Christ Jesus biniit'aa yee ayóó át'éii yee alááh neel'áanii bik'ehgo bídin danohłį́įgo chodaoł'íinii t'áá ałtso nihaidii'aah dooleeł.

Shits'ą́ą́dóó bídahooł'ą́ą'ii áádóó nídooláii áádóó dasidoots'ą́ą'ii índa baa naasháago daołtsánígíí baa naahkai, áko Diyin God bee ach'į' hózhǫ́ náhásdlį́į'ii nihił hólǫ́ǫ doo.

Bíni'dii nízaadgóó hada'íínółnínígíí diné t'áá ałtso nihá bił béédahózin doo. Bóhólníihii nídoodáłígíí koshídę́ę́' hadziih.

T'áá ayáhígo át'éego iinánígíí, índa t'áá ałtso ee hólǫ́ǫgo iinánígíí ałdó' shił bééhózin. T'áá ooleełgi índa t'áá azlį́'ígi át'éego, hwiih nishłį́įgo, doodaii' dichin nishłį́įgo bóhooł'ą́ą́', t'áá ałtsoní shoosánígo, doodaii' t'áá ałtsoní bídin nishłį́įgo shił yá'át'éehgo áshi'diilyaa.

Doo t'áadoo le'é bídin nishłį́įgo ádíshníi da, háálá t'áá shee hólónígi baa shił hózhǫ́ǫgo bóhooł'ą́ą́'.