Popular Bible Verses from NUMBERS 22

Share

Áádóó Bóhólníihii éí télii hayiyííłdzíi'go Béílam ííłní, Haash niishłaago díí táadi náshiníníłhaal?

Nít'éé' Bóhólníihii éí Béílam bináá' yee iidoołtséełgo áyiilaa índa Bóhólníihii bidiyingo naal'a'í diltłish dah yootį́įłgo atiingi dáádinízį́įgo jiiłtsą́, áko ni'jį' tsé'yaa jineeshjool.

Áádóó Bóhólníihii bidiyingo naal'a'í áhodííniid, Ha'át'éegoshą' táadi nitélii náníníłhaal? Jó, nich'ą́ą́h nideeshááł biniyé naa honíle', háálá doo ts'ííd ánít'éégóó ninísh'į́.

Áádóó télii éí Béílam ííłní, Da' doósh nitélii nishłį́įgo níí' sélį́į́' bijį́į́dóó wóshdę́ę́' díí jį́įjį' tándííyį́į da? Łahdaásh kóniishłaa? Ákohgo, Nidaga', jidííniid.

Áko Béílam éí télii ííłní, Jó, t'óó shá nahółt'i', éí bąą; diltłish ła' dah naashtingo éí k'ad nidiyeeshxééł nít'éé'.

Áko télii éí Bóhólníihii bidiyingo naal'a'í yiyiiłtsą́ągo Béílam yił neeztį́įgo Béílam báhóóchįįdgo bigish yee télii néineesxaal.