Popular Bible Verses from NUMBERS 20

Share

Áádóó Bóhólníihii éí Mózes áádóó Éran ííłní, Ízrel dine'é binááł doo shiinohdlą́ą́góó áádóó doo shidíínóhsingóó biniinaa díí áłah nilínígíí kéyah baa dinish'aahígíí doo biih dooh'ish da.

Gish nídiitįįh áádóó áłah nilínígíí t'ááłáhíjį' áłah óhłééh; ni áádóó nik'is Éran bił áłah dooleełígíí binááł tsé bich'į' hadíídzihgo bits'ą́ą́dóó tó hadoonah, áko tsé biyi'dóó tó hadoonahígíí éí áłah nilínígíí áádóó dabilį́į́' ałdó' deidoodlį́į́ł.

Áko Mózes éí gish yił yadidiilnii'go naakidi tsé néidííłhaalgo tó t'óó ahayóí hadzííłhaal, áko áłah nilínígíí da'oodlą́ą́' áádóó dabilį́į́' ałdó' da'oodlą́ą́'.

Áko Mózes áádóó Éran éí áłah nilínígíí t'ááłáhíjį' tsétsį́įjį' áłah ájiilaago ábizhdííniid, K'ad da'íísółts'ą́ą́'. Nihí nidaałteehígíí, da' nihíísh díí tsé biyi'dę́ę́' tó háálį́įgo nihá ádiilnííł?