Popular Bible Verses from MATTHEW 9

Share

Áko hódahooł'aahii ábijiní, T'áá íiyisí da'neest'ą́, nidi da'dooyishii t'áá díkwíí. Éí bąą agizh bee Bóhólníihii bá da'dooyishígíí bidá'ák'ehgóó iidiyooł'aałgi bíká sodadołzin.

Nidi nihílááh, díí ááhyiłníinii nihił béédahoozįįh, Aa a'ááh hasin éí nisin, nááhániihii éí dooda. Háálá ts'ídá t'áá ákogi ádaat'éii doo bíká ádideeshniił biniyé níyáa da, nidi bąąhági ádaaníiłii, Łahgo át'éego Diyin God bich'į' tsíńdadohkeesgo nihibąąhági át'éii bits'áhóhkááh, bidideeshniił biniyé níyá.

Nidi diné yíl'áhígíí jiiłtsą́ągo baa a'ááh jiniizį́į́', háálá dibé yaa áhályáanii ádin nahalingo bich'į' nidahwii'ná áádóó t'áadoo bíká oolyeedí da.

Nidi Jesus éí yidiizts'ą́ą'go ádííniid, Diné doo bąąh dah nidahaz'ánígíí azee' ííł'íní doo yich'į' dadikáah da, nidi bąąh dah nidahaz'ánígíí t'éiyá.

Áko nít'éé' kin hadaas'áágóó índa kin naazhjaa'góó t'áá ałtso kéédahat'ínígíí kin yii' áłah nídaadleehí naaznilgóó Jesus nazh'nitingo, áádóó yá'ąąshii bee bóhólníihgo bił haz'áanii baa hane' yá'át'éehii baa hojilne'go, índa diné bitahgóó naałniih bąąh dahólóonii t'áá ałtso, áádóó ka nidaakaígíí t'áá ałtso hadaałt' é áńdajidle'go tázhdííyá.