Popular Bible Verses from LUKE 18

Share

Áádóó diné t'áá áłahjį' sodadilzin dooleełgo, áádóó doo bąąh nidahwiikaad da doo biniyé, hane' bee ak'idi'dootį́įłii bee bił hojoolne'go

Da' ákoósh Diyin God yitayiizláa'ii jį́įgo áádóó tł'ée'go nídabookąąhii ha'át'íhída doo yá yaa nídóot'įįłgo yíká adoolwoł da? T'óó daats'í bíni'dii nízingo nízaadgóó ahodoolzhish? Nidi ánihidishní, Ts'ídá tsį́įłgo yá yaa nídóot'įįłgo yíká adoolwoł. Ákondi Diné Silį́į'ii níyáago, nahasdzáán bikáa'gi daats'í diné daboodlą́ągo yik'ídoogááł?

Nidi Jesus ádííniid, Diné doo ła'yóle' át'éii Diyin God ła'yoolííł.

Nidi doo bá baa níjít'į́į́góó hoolzhish, áádóó bik'ijį' t'áá hayi'ídi íiznízin, Azhą́ Diyin God doo díínísin da nidi, índa diné doo shił nilį́į da nidi, díí asdzání bąąh áhásdįįdii doo shik'i dóya' át'éhígíí bąą bá baa nídéesht'įįł, áko shaa nádáhígíí doo bąąh nideesháał da.

T'áá aaníígóó ánihidishní, T'áá háiida doo áłchíní yázhí nahalingo Diyin God bee bóhólníihgo bił haz'áanii ádaazhdeet'ánígíí ts'ídá doo biishdoogáał da.

Nidi Jesus éí áłchíní hágo yidííniidgo ání, Bíni'dii áłchíní shaa hakááh, t'áadoo shich'į' nidanoh'iní, háálá ákódaat'éhígíí éí Diyin God bee bóhólníihgo bił haz'áanii bíí' ádaat'é.

Áko Jesus áhodííniid, Ííní'į́ nánídleeh; ne'oodlą' bee doo ánít'éhí da násínídlį́į́'.

Áko Jesus áhodííniid, Ha'át'íishą' biniyé yá'át'éehii shidiní? T'ááłá'í nidi doo ła' yá'ájít'éhí da, nidi Diyin God t'éiyá yá'át'éehii nilį́.