Popular Bible Verses from LUKE 10

Share

Jó'akon, tł'iish índa séígo' bik'i naałdeeh doo biniyé bee óhólnííh nihaa diní'ą́, áádóó ana'í bibee adziilii t'áá át'é bee nihídahólníih doo biniyé nihaa diní'ą́, áko ts'ídá t'áadoo atídanihidoolíłí da.

Nidi Bóhólníihii haadzíi'go áhodííniid, Martha, Martha, ni'diił'áii índa níni' łą́ągo áyósinii t'óó ahayóí, nidi t'ááłá'í t'éiyá aláahdi ílį́. Mary éí ílínígíí ádeideet'ą́, éí doo bighadidoot'áał da.

Áko ábijiní, Nijéí t'áá át'é bee, áádóó nii' sizíinii t'áá át'é bee, áádóó nidziil t'áá át'é bee, índa níni' t'áá át'é bee Bóhólníihii niDiyin God ayóó'ííní'ní, áádóó t'áá ni ádíí'ní'nínígi át'éego bił kééhót'íinii ayóó'ííní'ní.

Íídą́ą́' ábizhdííniid, T'áá íiyisí da'neest'ą́, nidi da'dooyishígíí t'áá díkwíí; éí bąą agizh bee Bóhólníihii bá da'dooyishígíí dá'ák'ehgóó iidiyooł'aałgo bíká sodadołzin.

Diné aghada'ii'níiłii bizajííyáhígíishą' diné tált'éhígíí háí hoł kééhat'íinii nilį́įgo baa nitsíníkees? Áko ázhdííniid, Haa joozba'ígíí lą́ą. Jesus áhodííniid, Nílááh, ni ałdó' t'áá ákónít'į́į le'.

Nihílááh wohkah; jó'akon, mą'iitsohtahgóó dibé yázhí dadeeskaiígi át'éego danihidish'á.