Popular Bible Verses from GALATIANS 5

Share

Nidi Níłch'i Diyinii bineest'ą' éí díí: ayóó'ó'ó'ní, ił hózhǫ́, hasht'ehodít'é, nízaadgóó ha'ahóní, ajooba', yá'át'éehii, a'ahódlí, a'ohgo é'ét'é, ádaa áháyą́; kódaat'éhígíí bee haz'áanii doo bídéét'i' da.

Nidi ánihidishní, Níłch'i Diyinii bee dayínóhkáahgo, ts'ísee k'ehgo át'éii be'adáhonooni' doo bida'doohłíił da.

Níłch'i Diyinii bee dahinii'náago, haa'íshą' Níłch'i Diyinii bee dayíníikáah doo.

Áádóó Christ Jesus bíí' dajílíinii éí ts'ísee k'ehgo be'adáhonooní áádóó bee laanaa daznízinii tsin ałnáoszid bąąhjį' bił o'oolkaal.

Áko ts'ísee k'ehgo baa ooldahii éí t'áadoo bahat'aadí: jó éí adilyé, [na'ageh bee tsi'na'adá,] baa'ihgo nitsáhákees, baa yádahasinii baa oodááł, e'elyaii bich'į' nahadlá, na'adlo'go álílee bee nahaghá, ak'e'diniih, ahiní'diiltłáád, adáhonooní, áháchį', ałk'ijį' na'anish, ałch'ą́ą́h na'a'na', ałts'á'áldah, ooch'į́į́d, [diné naatseed,] tó tsi'na'iiłáii yidlą́, t'áá na'níle'dii adlą́, áádóó t'áá ákónáádaat'éii. Ákót'éii yaa nidaakaígíí Diyin God bee bóhólníihgo bił haz'áanii doo bíí' dadooleeł da dishníigo t'áá átséedi bee nihi'níłnii' yę́ę bee nihináá'níshnííh.

Háálá shik'isóó, á honídlee' bii'jį' nihíká ádahodoo'niidgo t'áá hazhó'ó nihá dahonídlee'ígíí binahjį' nihits'íís yidánoolníinii bá t'áadoo ashja da'íínóhsiní. Ayóó'áda'ahíínóh'níigo ahíłká anáhjah.

Háálá ts'ísee k'ehgo át'éii be'adáhonooni' éí Níłch'i Diyinii yik'ijį' naaldzil, t'áá ákót'éego ałdó' Níłch'i Diyinii éí ts'ísee k'ehgo át'éii yik'ijį' naaldzil, áko díí kót'éego ałts'ą́ą́jí nidlį́įgo baa nideeshaał danohsinii doo bídeínóhhah da dooleeł.

T'áá ni ádííní'nínígi át'éego bił kééhót'íinii ayóó'ííní'ní; kót'éego t'ááłáhídi ha'oodzí'ígíí bee, bee haz'áanii t'áá át'é bi'al'į́.

Haa'íshą' t'áadoo doo ádadiilkóhí doo, t'áadoo ałk'ee dadinii'niihí doo, índa t'áadoo da'ahiilch'į́dí doo.

Jew dine'é bibee haz'áanii biyaa sii'nil yę́ę bits'ąą á honídlee' biniyé Christ nihá honídlee'go ánihiilaa! Éí bąą yéego nisoozį́. Binaalte' dasoolį́į́' nít'é'ígíí t'áadoo baa ánídadiyoht'aahí.