Popular Bible Verses from GALATIANS 3

Share

Bee haz'áanii bee hóyée'jį' nihá ha'oodzíí' yę́ę bits'ą́ąjį' Christ náánihiisnii'go éí nihá ha'oodzíi'ii Christ bik'ijį' silį́į́', háálá Diyin God bizaad bee ak'e'ashchíinii ání, T'ááłá'í jinítínígo tsin bąąhjį' nijiyííłtínígíí hóyée'jį' há hada'iisdzíí'.

Éí bąą Jew dine'é índa Gríik dine'é nohłíinii doo ał'ąą ádanoht'ée da; naalte' índa doo naalte' nohłíinii doo ał'ąą ádanoht'ée da; biką'ii índa bi'áadii nohłíinii doo ał'ąą ádanoht'ée da, háálá t'áá ánółtso Christ Jesus bee łá'í nohłį́.

Áko Christ bíí' danohłį́įgo Éíbraham ba'áłchíní danohłį́, áko Éíbraham baa deet'áanii danihí.

Éí Jesus Christ át'į́, éí binahjį' Éíbraham bee bik'ihodzisdli'ii doo Jew dine'é danilíinii bee dahodooleeł, áko Jesus Christ deiniidlą́ągo baa dadzííníidlíhígíí bee Diyin God yee nihá nihoní'áanii Níłch'i Diyinii nihiih dahwiileeh.

Áko t'áadoo bahat'aadí bee haz'áanii yik'eh hół'íinii binahjį' diné doo ła'da ts'ídá t'áá ákogi át'éego Diyin God bá hadoodzih da, háálá Diyin God bizaad bee ak'e'ashchíinii ání, Ts'ídá t'áá ákogi ájít'éii hwe'oodlą' bee a'ódlí bee jiináa doo.