Popular Bible Verses from Mateo 28

Share

Kanshi kabiyeni muleyalula abantu ba mishobo yonse pakuti babe abasambi bandi. Mulebabatisha mwishina lyakwa Tata ne lya Mwana ne lyakwa Mupashi Wamushilo. Mulebafunda ukulakonka fyonse ifyo namukonkomesha. Kabili nakulaba na imwe lyonse mpakafye na ku kupwa kwa calo.”

Elyo Yesu apalama, alabeba ati, “Nalipeelwa amaka yonse mu mulu na pano isonde.

Malaika alaeba abanakashi ati, “Mwitiina, ninjishiba ukuti mulefwaya Yesu, uo batanike. Ala talimo muno, nabuuka ku bafwa nga filya fine asosele. Iseni mumone apo bamulalike.

Elyo Yesu abeba ati, “Mwitiina, kabiyeni muye eba bamunyinane, ukuti baye ku Galile, eko tukesa monana nabo.”

Bashimapepo bacindami balongana na bakalamba pakuti bomfwane ifyakucita. Awe bapeela abalelonda inindi indalama ishingi. Babeba abati, “Mulesosa amuti, abasambi bakwe nabeba icitumbi ubushiku ilyo twaciba mu tulo. Nangu nga cakuti umulashi aumfwako uyu mulandu, imwe mwisakamana nelyo cimo, ifwe tukamona ukuti fyonse fyaba bwino.” Awe nabo abalelonda bapoka indalama, bacita nefyo babakonkomeshe. Kanshi ukufika na lelo, ili e lyashi lyasabankana ku Bayuda.